Genesis 28:18 - Marahay na Bareta Biblia

¹⁸ Pagkaaga, amay na nagbangon si Jacob, kinua an gapong inulonan asin pinatindog bilang hariging giromdom dangan inulaan nin lana sa ibabaw.

Genesis 28:18 ပူးပေါင်းရင်းမြစ်များ

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Genesis 28:11

Kan nagsosolnop na an aldaw, nakaabot siya sa sarong lugar asin nag-ontok duman. Nagkua siya nin sarong gapo asin ginibo ining ulonan dangan nagkatorog siya.

Genesis 31:13

Ako an Dios na nagpahiling saimo sa Betel, saen nagpatindog ka nin hariging giromdoman na inulaan mo nin lana, asin saen nanumpa ka sako. Mag-andam ka asin magbalik ka sa dagang saimong namundagan.’”

Genesis 31:45

Kaya kuminua si Jacob nin gapo asin pinatindog ini bilang sarong hariging giromdom,

Genesis 35:14

Sa lugar na idto, saen nagtaram saiya an Dios, nagpatindog si Jacob nin hariging giromdoman na an ibabaw inulaan niya nin arak saka lana nin oliba.

Genesis 35:20

Nagbugtak si Jacob nin sarong hariging giromdoman sa linubongan ki Rachel asin sagkod ngunyan idtoon pa iyan duman.

2 Samuel 18:18

Kan nabubuhay pa si Absalom, nagpatindog siya nin sarong monumento para sa saiya sa Kapantayan nin Hade, huli ta mayo siya nin maski sarong aking lalaki na magdadara kan saiyang ngaran. Isinunod niya sa saiyang ngaran an ngaran kan monumento, kaya sagkod ngunyan inaapod ining Monumento ni Absalom.

Salmo 119:60

Naghihidali ako asin dai nag-aabala sa pag-otob kan saimong mga kabotan.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 19:19

Pag-abot kan panahon na iyan, magkakaigwa nin sarong altar para sa Kagurangnan sa daga nin Egipto, asin nin sarong hariging gapo na kinonsagra sa saiya sa pagdolonan nin Egipto.

Mga Bilang 7:1

Kan aldaw na mapatindog ni Moises an Tabernakulo, linahidan niya asin kinonsagra iyan; linahidan man niya dangan kinonsagra an mga kasangkapan kan Tabernakulo, an altar asin an mga kagamitan kaiyan.

Josue 4:9

Nagpatindog man si Josue nin doseng gapo sa tahaw kan Jordan, sa tinindogan kan mga padi na nagdadara kan Kaban nin Tipan. (Sagkod ngunyan yaon pa duman an mga gapong idto.)

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”