Genesis 28:17 - Marahay na Bareta Biblia

¹⁷ Natakot si Jacob asin nagsabi, “Makatatakot an lugar na ini! Iyo ini an harong nin Dios asin an trangkahan nin langit.”

Genesis 28:17 ပူးပေါင်းရင်းမြစ်များ

Genesis 28:18

Pagkaaga, amay na nagbangon si Jacob, kinua an gapong inulonan asin pinatindog bilang hariging giromdom dangan inulaan nin lana sa ibabaw.

Genesis 28:22

An gapong ini na sakong pinatindog bilang hariging giromdom iyo an magigin lugar na pagsasambahan saimo; itatao ko saimo an ikasampolong kabtang kan gabos na itatao mo sako.”

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Exodo 3:6

Ako an Dios nin saimong mga magurang, an Dios ni Abraham, ni Isaac, asin ni Jacob.” Kaya tinahoban ni Moises an saiyang lalawogon huli ta natakot siyang maghiling sa Dios.

Parahulit 5:1

Mag-ingat ka kun minaduman ka sa Templo. An magrani tanganing maghinanyog mas marahay ki sa magdolot nin sakripisyo siring sa ginigibo kan mga lolong na tawo, na dai aram na naggigibo sinda nin maraot.

Mateo 17:6

Kan madangog ini kan mga disipulo, nagdapa sinda sa takot.

Lukas 2:9

Bigla sanang may nagpahiling saindang anghel nin Kagurangnan na nakapaliwanag nin marahay kan lugar na idto. Natakot sinda nin makuri.

Lukas 8:35

Nagduruman an mga tawo sa paghiling kan nangyari. Nagdolok sinda ki Jesus asin nahiling ninda an lalaking dating may demonyo na nakatukaw sa pamitisan ni Jesus, nakagubing na, saka toltol na an isip. Natakot sinda gabos.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

Hebreyo 10:21

Igwa kita nin dakulang padi na namamahala kan harong nin Dios.

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;

Hukom 13:22

Sinabihan ni Manoa an saiyang agom, “Magagadan nanggad kita huli ta nahiling ta an Dios!”