Genesis 28:16 - Marahay na Bareta Biblia

¹⁶ Nagimata si Jacob asin nagsabi, “Yaon digdi an Kagurangnan! Yaon siya digdi sa lugar na ini, asin dai ko aram!”

Genesis 28:16 ပူးပေါင်းရင်းမြစ်များ

1 Mga Hade 3:15

Nagmata si Solomon asin naaraman niya na an Kagurangnan nagtaram saiya sa pangatorogan. Dangan nagduman siya sa Jerusalem asin nagtindog sa atubangan kan Kaban nin Tipan nin Kagurangnan; nagdolot siya duman nin mga tinutong na atang asin mga dolot para sa katoninongan. Pakatapos, nagbangkete siya para sa gabos niyang mga opisyal.

An Libro ni Job 33:14

Huli ta an Dios nagtataram sa saro o sa duwang paagi, maski dai iyan naaabot kan pag-isip nin tawo.

An Libro ni Job 9:11

Minaagi an Dios sa kataed ko, alagad dai ko siya nahihiling.

Salmo 139:7

Saen ako maduman harayo sa saimong Espiritu? Saen ako madulag harayo sa saimo?

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 3:4

Kan mahiling nin Kagurangnan na nagrarani si Moises, nag-apod siya hale sa tahaw kan nagkakalayong tinanom, “Moises! Moises!” “Uya ako,” an simbag ni Moises.

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Isaias 8:13

Giromdoma na ako, an Kagurangnan nin mga hukbo, banal; ako an saimong dapat na matakotan.

Jeremias 31:26

Kaya masabi an siisay man, ‘Nagkatorog ako dangan maginhawang nagbangon.’

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Josue 5:13

Kan yaon si Josue sa harani kan Jerico, bigla siyang nakahiling nin sarong lalaki na nakatindog sa atubangan niya, na may kapot na espada. Dinolok siya ni Josue asin hinapot, “Kaapil ka nyamo o kaiwal?”

Josue 5:15

Nagsabi saiya an pamayo kan hukbo nin Kagurangnan, “Haleon mo an saimong mga sandalyas, huli ta banal an lugar na saimong natitindogan.” Ginibo ni Josue an ipinagboot saiya.