Genesis 28:15 - Marahay na Bareta Biblia

¹⁵ Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 28:15 ပူးပေါင်းရင်းမြစ်များ

Genesis 21:20

Dai pinabayaan nin Dios an aki asin nagdakula ini. Nag-erok siya sa kalangtadan nin Paran asin nagin sarong ekspertong paraayam.

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 30:25

Pagkamundag ni Jose, sinabihan ni Jacob si Laban, “Tugote akong maghale tanganing makapuli ako sa sadiri kong harong asin daga.

Genesis 31:13

Ako an Dios na nagpahiling saimo sa Betel, saen nagpatindog ka nin hariging giromdoman na inulaan mo nin lana, asin saen nanumpa ka sako. Mag-andam ka asin magbalik ka sa dagang saimong namundagan.’”

Genesis 31:3

Dangan tinaraman nin Kagurangnan si Jacob, “Bumalik ka sa daga nin saimong mga magurang asin nin saimong mga kadugo; iibahan taka.”

Genesis 31:5

asin sinabihan niya sinda, “Namasdan ko na iba na an pagtratar sako kan saindong ama; alagad an Dios kan sakong ama iniibahan ako.

Genesis 32:9

Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako.

Genesis 35:3

huli ta maduman kita gabos sa Betel tanganing ikatugdok ko nin altar an Dios na nagtabang sako sa panahon nin kasakitan asin nag-iba sako saen man ako magduman.”

Genesis 39:2

Inibahan nin Kagurangnan si Jose kaya nag-uswag siya. Nag-erok si Jose sa harong kan Egipcio niyang kagurangnan,

Genesis 39:21

Alagad inibahan si Jose nin Kagurangnan na nagpahiling saiya nin danay na pagkamoot, kaya naoyonan siya kan bantay kan bilanggoan.

Genesis 46:4

Iibahan taka pasiring sa Egipto, asin ibabalik ko sa dagang ini an saimong kapagarakian. Masasakaibahan mo si Jose sa oras kan saimong pagkagadan.”

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

Genesis 48:21

Dangan nagsabi si Jacob, “Jose, madali na akong magadan, alagad iibahan ka nin Dios asin ibabalik ka niya sa daga kan saimong mga ginikanan.

1 Mga Hade 8:57

Ibahan logod kita nin Kagurangnan na satong Dios siring na inibahan niya kaidto an satong mga ginikanan; dai man logod niya kita pagbayaan o pagpabayaan;

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 91:11

Huli ta ibubugtak nin Dios an saiyang mga anghel tanganing atamanon ka saen ka man magduman.

Exodo 13:11

“Dadarahon kamo nin Kagurangnan sa daga kan mga Cananeo na ipinanuga niya saindo asin sa saindong mga ginikanan. Kun itao na niya iyan saindo,

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 16:15

Embes kaiyan, manunumpa sinda huli sako bilang buhay na Dios na nagluwas sa banwaan nin Israel hale sa sarong daga sa amihan, asin hale sa gabos na nasyon na winarakan ko sainda. Ibabalik ko sinda giraray sa sadiri nindang daga, na itinao ko sa saindang mga ginikanan. Ako, an Kagurangnan, an nagtaram.”

Levitico 26:42

gigiromdomon ko an sakong tipan ki Jacob, ki Isaac asin ki Abraham. Babagohon ko an sakong panuga na tatawan nin daga an sakong banwaan.

Levitico 26:45

Babagohon ko an tipan na sakuyang ginibo sa saindang mga ginikanan kan ipahiling ko sa gabos na nasyon an sakong kapangyarihan sa pagpaluwas sa sakong banwaan hale sa Egipto tanganing ako, an Kagurangnan, magin saindang Dios.”

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mga Bilang 6:24

Bendisyonan logod kamo asin atamanon nin Kagurangnan;

Mateo 18:20

Huli ta kun may duwa o tolo katawo na nagtitiripon sa ngaran ko yaon ako sa kaibahan ninda.”

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.

Deuteronomio 31:6

Magmaisog kamo saka pakosogon nindo an saindong boot. Dai kamo matakot sainda; huli ta iibahan kamo nin Kagurangnan na saindong Dios; dai niya kamo papabayaan.”

Deuteronomio 31:8

An Kagurangnan mismo an mangengenot asin maiba saimo. Dai ka niya papabayaan, kaya dai ka matakot o manluya an saimong boot.”

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Judas 1:1

Surat na hale ki Judas na sorogoon ni Jesu-Cristo, asin tugang ni Santiago. Para sa mga tawong inapod, namomotan nin Dios Ama asin iniingatan ni Jesu-Cristo:

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”