Genesis 27:29 - Marahay na Bareta Biblia

²⁹ Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Genesis 27:29 ပူးပေါင်းရင်းမြစ်များ

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Genesis 25:33

“Magsumpa ka ngona,” an simbag ni Jacob. Kaya nagsumpa si Esau asin ipinabakal an saiyang deretso ki Jacob.

Genesis 27:30

Nakahale pa sana si Jacob sa atubang ni Isaac, matapos na bendisyonan siya kaini, kan umabot si Esau hale sa pangayam.

Genesis 27:37

Nagsimbag si Isaac, “Ginibo ko na siyang kagurangnan mo, asin an gabos niyang kadugo itinao ko na sa saiya bilang mga oripon. Tinawan ko siya nin dakul na ani asin arak. Mayo na akong magiginibo para saimo, aki ko!”

Genesis 27:40

Mabubuhay ka huli sa saimong espada asin magigin sorogoon ka kan tugang mo. Alagad kun magrebelde ka, makakatalingkas ka sa saiyang kapangyarihan.”

Genesis 37:10

Inosip man ini ni Jose sa saiyang ama alagad inanggotan siya kaini, “Anong pangatorogan iyan? An boot mong sabihon, madolok asin mataong galang kami saimo—ako, asin an saimong ina, sagkod an saimong mga tugang?”

Genesis 37:7

gabos daa kita nagbuburugkos kan mga inasyab na trigo sa oma, kan magbuhat asin magtindog nin tanos an sakong binugkos. Pinalibotan kan saindong binugkos an sakong binugkos asin dinukoan ninda ini sa paggalang.”

Genesis 9:27

Padakulaon logod nin Dios si Jafet! An saiyang kapagarakian mag-erok logod sa kaibahan kan banwaan ni Sem! Si Canaan magigin oripon ni Jafet!”

1 Mga Hade 22:47

Mayo nin hade an daga nin Edom; an namahala kaini iyo an tawong ibinugtak kan hade nin Juda.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Cronica 5:2

Alagad an tribu ni Juda iyo an nagin pinakamakosog, asin saiya naggikan an pamayo kan gabos na tribu, maski ngani an deretso kan matua yaon ki Jose.)

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 60:12

Alagad rurumpagon an mga nasyon na dai naglilingkod saimo.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Mga Bilang 23:8

Paano ko mamaldisyonon an dai minaldisyon nin Dios? Paano ko isisikwal an dai isinikwal nin Dios?

Mga Bilang 24:18

Dadaogon niya an saiyang mga kaiwal sa Edom, An saindang daga saiyang sasakopon Mantang padagos an panggagana nin Israel.

Mga Bilang 24:9

An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Mateo 25:45

Masimbag an Hade sainda, ‘Sa katotoohan sinasabihan ko kamo, an dai nindo ginibo sa saro kan mga pinakasadit na ini, dai man nindo ginibo sako.’

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”