Genesis 27:24 - Marahay na Bareta Biblia

²⁴ alagad naghapot giraray ini, “Ika mananggad an aki kong si Esau?” “Ako mananggad,” an simbag ni Jacob.

Genesis 27:24 ပူးပေါင်းရင်းမြစ်များ

Genesis 27:23

Dai ni Isaac namidbid si Jacob huli ta mabarahibo man an saiyang kamot arog kan ki Esau. Bebendisyonan na kuta siya ni Isaac,

Genesis 27:25

Dangan nagsabi si Isaac, “Daraha na digdi an linuto mo. Pakakakan ko, bebendisyonan taka.” Kaya dinara ni Jacob saiya an linuto asin nagkakan siya; dinarahan man siya ni Jacob nin arak asin nag-inom siya.

2 Samuel 14:5

Hinapot siya kan hade, “Ano an problema mo?” Nagsimbag an babae, “Saro akong balo. Gadan na an sakong agom.

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

An Libro ni Job 15:5

An saimong karatan nahihiling huli kan saimong tinataram; naghihingowa kang makatago sa likod kan mga tusong tataramon.

Mga Talinhaga 12:19

Halipot an buhay kan kaputikan, alagad nabubuhay sagkod lamang an katotoohan.

Mga Talinhaga 12:22

Nauuyam an Kagurangnan sa mga putikon, alagad nawiwili siya sa mga tawong nag-ootob kan saindang panuga.

Mga Talinhaga 30:8

dai mo ako pagpabayaan na magin putikon asin dai mo ako pagpayamanon o pagin dukhaon. Itao mo sako an maninigo ko sanang kakanon.

Zacarias 8:16

Iyo ini an mga bagay na dapat nindong gibohon: an katotoohan sana an ipagtaram nindo sa saindong kapwa. Sa mga hukoman, itao nindo an totoong hustisya—an hustisya na nagdodolot nin katoninongan.

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

Colosas 3:9

Dai kamo magputik sa lambang saro, huli ta hinuba nindo an daan na pagkatawo kaiba an mga maraot na ugale kaiyan,

1 Samuel 21:13

Kaya binago niya an saiyang hiro sa atubangan ninda; nagsagin-sagin siyang bua kun pinupugol siya ninda. Nagsusurat siya nin kun ano-ano sa trangkahan kan syudad asin pinabayaan niyang magbulos an saiyang laway sa saiyang barabas.

1 Samuel 21:2

“Nagdigdi ako huli ta sinugo ako kan hade,” an simbag ni David. “Sinabihan niya akong dai dapat ipaaram sa kiisay man an ipinapagibo niya sako. Manongod sa sakong mga tawohan, sinabihan ko sindang sabaton ako sa sarong lugar.

1 Samuel 27:10

Kun minahapot si Akis, “Saen kamo nagsalakay ngunyan?” minasimbag si David na nagduman siya sa habagat na parte nin Juda o sa teritoryo kan tribu ni Jerameel o sa teritoryo kan mga Cineo.