Genesis 26:31 - Marahay na Bareta Biblia

³¹ Pagkaaga, amay sindang nagmata asin sinda gabos nanumpa sa lambang saro; dinespedir sinda ni Isaac asin nagburulag sinda bilang mga magkatood.

Genesis 26:31 ပူးပေါင်းရင်းမြစ်များ

Genesis 14:22

Nagsimbag si Abram, “Sa atubang nin Kagurangnan, an Kahorohalangkaweng Dios, kaggibo kan langit asin daga, minasumpa ako

Genesis 19:2

dangan nagsabi, “Mga kagurangnan ko, nakikimaherak akong mag-ontok ngona kamo sa harong ko; hanawan nindo an saindong bitis asin magpahingalo kamo. Dangan, pwede kamong magmatang amay asin magpadagos sa paglakaw.” Nagsimbag sinda, “Dai na; sa tinampo na sana kami mapaaga.”

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 21:23

Kaya ngunyan magsumpa ka sa atubang nin Dios na dai mo ako lolokohon, ni an sakong mga aki o an sakong mga kapagarakian. Nagin marahay ako saimo kaya mangako kang siring man an ibabalos mo sako asin sa dagang ini na saimong pinag-eerokan.”

Genesis 21:27

Kaya tinawan ni Abraham si Abimelek nin mga karnero asin mga baka, dangan naggibo sinda nin kontrata.

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Genesis 25:33

“Magsumpa ka ngona,” an simbag ni Jacob. Kaya nagsumpa si Esau asin ipinabakal an saiyang deretso ki Jacob.

Genesis 26:32

Kan aldaw na iyan, nag-abot an mga sorogoon ni Isaac asin nag-osip saiya manongod kan bubon na kinalot ninda. Olay ninda, “Nakakua kami nin tubig.”

Genesis 31:44

andam ako na makipagtipan sa saimo. Magtambak kita nin mga gapo na iyo an danay na magpapagiromdom sato kan satong tipan.”

Genesis 31:55

Pagkaagang amay, hinadokan ni Laban an saiyang mga makoapo asin mga aki dangan benendisyonan niya sinda; pakatapos, nagpuli na siya sa saiyang harong.

Hebreyo 6:16

Totoo na kun minasumpa an tawo, ginagamit niya an ngaran nin sarong mas dakula ki sa saiya, asin an sumpang iyan an minatapos kan gabos na diskutiran.

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 30:15

Hinapot siya ni David, “Pwede mo daw akong giyahan pasiring sa mga parasalakay na idto?” Nagsimbag an hoben, “Pwede, kun manuga ka sako sa ngaran nin Dios na dai mo ako gagadanon o ibabalik sa sakong kagurangnan.”