Genesis 26:25 - Marahay na Bareta Biblia

²⁵ Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.

Genesis 26:25 ပူးပေါင်းရင်းမြစ်များ

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 13:4

asin pinatindogan niya nin altar. Duman nagsamba si Abram sa Kagurangnan.

Genesis 22:9

Pag-abot ninda sa lugar na itinaram nin Dios, naggibo si Abraham nin sarong altar dangan pinakarahay an mga kahoy sa ibabaw kaini. Pakatapos, ginapos niya si Isaac asin ibinugtak sa altar, sa ibabaw kan mga kahoy.

Genesis 26:32

Kan aldaw na iyan, nag-abot an mga sorogoon ni Isaac asin nag-osip saiya manongod kan bubon na kinalot ninda. Olay ninda, “Nakakua kami nin tubig.”

Genesis 33:20

Nagpatindog siya nin altar duman asin nginaranan niyang El-Elohe-Israel.

Genesis 35:1

Nagtaram an Dios ki Jacob, “Magduman ka tolos sa Betel asin duman ka mag-erok. Gumibo ka nin sarong altar duman para sako, an Dios na nagpahiling saimo kan ika magdulag sa tugang mong si Esau.”

Genesis 4:26

Nagkaigwa nin aking lalaki si Set na nginaranan niyang Enos. Sa panahon na iyan, an mga tawo nagpoon nang mag-apod sa ngaran nin Kagurangnan.

Genesis 8:20

Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

Salmo 116:17

Idodolot ko saimo an sakripisyo nin pasasalamat, asin aapodon ko an ngaran mo.

Exodo 17:15

Nagpatindog nin altar si Moises asin inapod niya ining “An Kagurangnan iyo an sakong Bandera.”