Genesis 25:29 - Marahay na Bareta Biblia

²⁹ Sarong aldaw mantang nagluluto si Jacob nin sinabawan na balatong, uminabot si Esau hale sa pangangayam. Gutom na ini nin marahay

Genesis 25:29 ပူးပေါင်းရင်းမြစ်များ

Genesis 25:30

kaya sinabihan kaini si Jacob, “Tawe ako kan mapulang linuluto mo huli ta grabe na an gutom ko.” (Kaya poon kaidto, nginaranan siyang Edom.)

Genesis 25:34

Pakatapos kaini, tinawan ni Jacob si Esau nin tinapay asin nin sinabawan na balatong; nagkakan asin nag-inom ini dangan naghale. Sa siring na paagi, dai pinahalagahan ni Esau an saiyang deretso bilang matuang aking lalaki.

2 Mga Hade 4:38

Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

2 Mga Hade 4:39

Saro sa sainda an nagpaoma tanganing magkua nin gulayon. Nakahiling siya nin sarong balagon, asin ginuno niya an dakul na bunga kaini. Nagbalik siya dara an mga ginunong bunga. Dai niya aram kun ano idto. Dangan giniris niya idto saka isinalak sa kakanon duman sa koron.

Mga Talinhaga 13:25

An matanos dai nahahalean nin pagkakan, alagad danay na gutom an tampalasan.

Hageo 2:12

Halimbawa an sarong tawo nagkua nin sarong pedaso nin kinonsagrang karne hale sa sarong sakripisyo, asin ibinugtak iyan sa saiyang bulsa, dangan madutaan kaiyan an arin man na tinapay, isisira, arak, lana nin oliba o anoman na kakanon, makokonsagra man daw an kakanon na iyan?” Kan ihinapot ini sa mga padi, nagsimbag sinda, “Dai.”

1 Samuel 14:28

Dangan sinabihan siya kan saro kan mga lalaki, “Nanluluya na kami gabos huli sa gutom, alagad pinatanidan kami kan saimong ama na mamaldisyonon an siisay man na magkakan nin ano man ngunyan na aldaw.”

1 Samuel 14:31

Kan aldaw na idto nadaog kan mga Israelita an mga Filisteo, na saindang linabanan magpoon sa Micmas sagkod sa Aijalon. Alagad maluluya na nin marahay an mga Israelita huli sa gutom,