Genesis 25:27 - Marahay na Bareta Biblia

²⁷ Kan magdakula an kambal, si Esau, na mas gusto an buhay sa luwas nagin sarong marahay na paraayam; alagad si Jacob bakong paragirong asin mas gusto sa harong.

Genesis 25:27 ပူးပေါင်းရင်းမြစ်များ

Genesis 10:9

Sa atubang nin Kagurangnan, siya sarong dakulang paraayam, kun kaya nagkaigwa nin kasabihan, “Siring ki Nimrod na dakulang paraayam sa atubangan nin Kagurangnan!”

Genesis 21:20

Dai pinabayaan nin Dios an aki asin nagdakula ini. Nag-erok siya sa kalangtadan nin Paran asin nagin sarong ekspertong paraayam.

Genesis 27:40

Mabubuhay ka huli sa saimong espada asin magigin sorogoon ka kan tugang mo. Alagad kun magrebelde ka, makakatalingkas ka sa saiyang kapangyarihan.”

Genesis 46:34

dai nanggad kamo malingaw na magsabi saiya na mga pastor kamo nin mga hayop sa bilog nindong pagkabuhay, siring kan trabaho kan saindong mga ginikanan. Huli kaini, tutugotan niya kamong mag-erok sa rehiyon nin Goshen.” Sinabi ini ni Jose huli ta dai nakikilabot an mga Egipcio sa mga pastor nin hayop.

Genesis 6:9

Iyo ini an istorya ni Noe. Nagkaigwa siya nin tolong aking lalaki: si Sem, si Ham asin si Jafet. Si Noe iyo sana an matanos na tawo kan panahon niya. Naglakaw siya sa kaibahan nin Dios;

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 1:8

Naghapot giraray an Kagurangnan, “Nanumpongan mo si Job na sakong sorogoon? Mayo nin makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot.”

An Libro ni Job 2:3

Naghapot giraray an Kagurangnan, “Nanumpongan mo si Job na sakong sorogoon? Mayong makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot. Dinagka mo akong tugotan taka na salakayon siya maski mayo nin dahelan, alagad siring sa dati, maimbod pa giraray siya.”

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Jeremias 35:7

Sinabihan man niya kami na dai magtugdok nin mga harong, mag-oma asin dai magtanom sa ubasan o magbakal kaini. Pinagbotan niya kami na danay kaming mag-erok sa mga tolda, tanganing magpadagos kami sa pag-erok sa dagang ini saen nag-eerok kami arog sa mga dayuhan.

Hebreyo 11:9

Huli sa pagtubod, nag-erok siya bilang sarong dayuhan sa daga na ipinanuga saiya nin Dios. Nag-erok siya sa mga tolda arog ki Isaac asin ki Jacob, na nag-ako man kan parehong panuga nin Dios.