Genesis 25:26 - Marahay na Bareta Biblia

²⁶ Namundag an ikaduwa na pugol nin marahay an bool ni Esau, kaya inapod siyang Jacob. An kambal namundag kan si Isaac sesentang taon na an edad.

Genesis 25:26 ပူးပေါင်းရင်းမြစ်များ

Genesis 21:5

Sanggatos na an edad ni Abraham kan mamundag si Isaac.

Genesis 25:20

Kan kwarenta na an edad ni Isaac, inagom niya si Rebecca, na aking babae ni Betuel, na Arameong taga Mesopotamia, asin tugang na babae ni Laban.

Genesis 27:36

Nagsabi si Esau, “Tama mananggad na nginaranan siyang Jacob, huli ta duwang beses na niya akong inagawan. Inagaw na niya an sakong deretso bilang matuang aking lalaki, asin ngunyan inagaw pa niya an bendisyon na para sako. Mayo ka nang natadang bendisyon para sako?”

Genesis 35:28

Nabuhay si Isaac sagkod sa edad na syento otsenta,

1 Mga Cronica 1:34

Si Isaac, na aki ni Abraham, nagkaigwa nin duwang aking lalaki na iyo si Esau asin si Jacob.

Oseas 12:3

An saindang ginikanan na si Jacob nakipaggumolan sa kakambal niyang si Esau kan sinda nasa tulak pa kan saindang ina; kan dakula na si Jacob, nakilaban siya tumang sa Dios—

Oseas 12:4

nakilaban siya sa sarong anghel asin nanggana siya. Naghibi siya dangan nakimaherak na bendisyonan. Sa Betel, dinolok nin Dios an satong ginikanan na si Jacob asin nakiolay saiya.

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mga Bilang 20:14

Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Mga Gibo 7:8

Dangan itinao nin Dios ki Abraham an serkomsisyon bilang tanda kan tipan. Kaya sinerkomsisyon ni Abraham si Isaac sa ikawalong aldaw pakamundag kaini; siring man an ginibo ni Isaac sa aki niyang si Jacob. Ginibo man iyan ni Jacob sa doseng patriarka.

Deuteronomio 23:8

Pwedeng ibilang sa banwaan nin Dios an saindang kapagarakian magpoon sa ikatolong henerasyon.

Josue 24:4

asin nagin aki ni Isaac si Jacob saka si Esau. Itinao ko ki Esau an mabulod na daga nin Edom bilang kahirasan niya, alagad an saindong ginikanan na si Jacob sagkod an siyang mga aki nagpasiring sa Egipto.