Genesis 24:60 - Marahay na Bareta Biblia

⁶⁰ Benendisyonan ninda si Rebecca asin sinabihan, “Tugang, magin ina ka logod nin dai mabilang na kaakian! Sakopon logod kan saimong kapagarakian an mga syudad kan saindang mga kaiwal!”

Genesis 24:60 ပူးပေါင်းရင်းမြစ်များ

Genesis 1:28

Benendisyonan niya sinda dangan tinaraman, “Magmabinunga asin magdakul kamo; panoon nindo an bilog na kinaban asin pamahalaan iyan. Magkaigwa kamo nin kapangyarihan sa mga sira, sa mga gamgam asin sa gabos na hayop.

Genesis 14:19

Benendisyonan ni Melkizedek si Abram na an sabi, “Bendisyonan logod si Abram kan Kahorohalangkaweng Dios, na kaggibo kan langit asin daga!

Genesis 17:16

Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 24:61

Nag-andam si Rebecca asin an saiyang hoben na babaeng mga sorogoon, asin nagsunod sa sorogoon ni Abraham; sarabay sindang nagharale lunad sa mga kamelyo.

Genesis 28:3

Bendisyonan logod kan Makakamhan na Dios an saimong pag-agom; tawan ka niya logod nin dakul na aki, tanganing magin ama ka nin dakul na nasyon!

Genesis 32:1

Mantang naglalakaw si Jacob, sinabat siya kan mga anghel nin Dios.

Genesis 48:20

Kaya kan aldaw na idto, benendisyonan niya sinda na nagsabi, “Gagamiton kan mga Israelita an saindong mga ngaran kun sinda mabendisyon. Masabi sinda, ‘Gibohon ka logod nin Dios siring ki Efraim saka ki Manases.’” Sa paaging ini pinaenot ni Jacob si Efraim ki Manases.

Genesis 9:1

Benendisyonan nin Dios si Noe asin an saiyang mga aking lalaki dangan tinaraman, “Magkaigwa kamo nin dakul na mga aki tanganing an saindong kapagarakian makalakop sa bilog na daga.

Jeremias 29:6

Mag-agom kamo saka magkaigwa nin mga aki. Paagomon nindo an saindong mga aki tanganing magkaigwa man sinda nin mga aki. Kaipuhan na magdakul kamo asin bakong magdikit.

Daniel 7:10

Hale sa saiyang trono nagbubulos an sarong salog nin kalayo. Yaon duman an ribo-ribong tawo na naglilingkod saiya, asin an milyon-milyon na nagtitindog sa saiyang atubang. Nagbukas an korte sa pagdangog kan mga kaso, asin binukasan an mga libro.

Levitico 25:46

Pwede nindo sindang ipamana sa saindong mga aking lalaki, na saindang paglilingkodan sa bilog nindang buhay. Alagad dai nanggad nindo pag-apihon an kapwa nindo Israelita.

Deuteronomio 21:19

An aki dadarahon kan mga magurang sa mga lider kan banwa na pinag-eerokan ninda.