Genesis 24:32 - Marahay na Bareta Biblia

³² Kaya nagdagos an lalaki sa harong; asin diniskargahan ni Laban an mga kamelyo dangan tinawan nin pagkakan an mga ini. Pakatapos, dinarahan niya nin tubig an sorogoon ni Abraham asin an kairiba kaini tanganing maghanaw kan saindang mga bitis.

Genesis 24:32 ပူးပေါင်းရင်းမြစ်များ

Genesis 18:4

Tugote akong magkua nin tubig tanganing makahanaw kamo kan saindong bitis; pwede kamong magpahingalo sa limpoy kan kahoy na ini.

Genesis 19:2

dangan nagsabi, “Mga kagurangnan ko, nakikimaherak akong mag-ontok ngona kamo sa harong ko; hanawan nindo an saindong bitis asin magpahingalo kamo. Dangan, pwede kamong magmatang amay asin magpadagos sa paglakaw.” Nagsimbag sinda, “Dai na; sa tinampo na sana kami mapaaga.”

Genesis 24:33

Kan andam na an kakanon sa atubang niya, nagsabi an sorogoon, “Dai ako makakan sagkod na dai ko nasasabi an sakong tuyo.” Nagsimbag si Laban, “Sabihan na.”

Genesis 29:13

Kan madangog ni Laban an bareta, naghidali siya sa pagsabat ki Jacob. Kinugos niya ini asin hinadokan dangan ipinag-iba sa saiyang harong. Inistorya ni Jacob ki Laban an gabos na nangyari,

Genesis 43:24

Pinadagos kan sorogoon an magturugang sa harong ni Jose; tinawan niya sinda nin tubig tanganing maghanaw kan saindang bitis, dangan pinakakan an saindang mga asno.

Lukas 7:44

Dangan kinilingan niya an babae saka sinabihan si Simon, “Nahihiling mo an babaeng ini? Nagdigdi ako sa harong mo alagad dai mo man lamang ako tinawan nin tubig na panghanaw sa mga bitis ko. Alagad hinugasan niya iyan kan saiyang luha saka pinahidan kan saiyang buhok.

1 Timoteo 5:10

Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

Hukom 19:21

Kaya ipinag-iba niya sinda sa saiyang harong dangan pinakakan niya an mga asno. Naghugas kan saindang bitis an mga bisita dangan nagkarakan.

1 Samuel 25:41

Nagdapa sa daga si Abigail dangan nagsabi, “Sorogoon niya ako, asin andam ako sa paghanaw kan mga bitis kan saiyang mga sorogoon.”