Genesis 24:12 - Marahay na Bareta Biblia

¹² Namibi an sorogoon, “O Kagurangnan, Dios kan sakong kagurangnan na si Abraham, tawe ako nin marahay na palad asin pahilingan an saimong danay na pagkamoot sa kagurangnan kong si Abraham.

Genesis 24:12 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 24:21

Mantang ginigibo niya ini, pinagmamasdan siya kan sorogoon tanganing mahiling kaini kun tinabangan na siya nin Kagurangnan sa saiyang katuyohan o dai.

Genesis 24:27

asin nagsabi, “Pag-omawon an Kagurangnan, an Dios kan kagurangnan kong si Abraham, na nagpahiling kan saiyang danay na pagkamoot asin kaimbodan sa sakong kagurangnan; huli ta an Kagurangnan an nangenot sako pasiring sa mga kadugo kan sakong kagurangnan.”

Genesis 24:42

“Pag-abot ko sa bubon kasubago, namibi ako, ‘Kagurangnan, Dios nin sakong kagurangnan na si Abraham, tawe ako nin marahay na palad sa gigibohon ko.

Genesis 24:48

Pakatapos, nagduko ako asin nagsamba sa Kagurangnan. Inomaw ko an Kagurangnan, an Dios kan sakong kagurangnan na si Abraham, na nangenot sako pasiring sa mga kadugo kan sakong kagurangnan saen nakua ko an magigin agom kan saiyang aki.

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 27:10

Ika an madara kaiyan saiya tanganing kakanon niya asin tanganing bendisyonan ka niya bago siya magadan.”

Genesis 27:20

Alagad naghapot si Isaac, “Tano ta madalion ka sana, aki ko?” “Huli ta tinabangan ako nin Kagurangnan na saimong Dios,” an simbag ni Jacob.

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

Genesis 32:9

Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako.

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

2 Mga Hade 2:14

Pinakol niya an tubig kan alikboy saka nagsabi, “Haen an Kagurangnan, an Dios ni Elias?” Dangan pinakol niya giraray an tubig, asin nabanga ini; naglakaw si Eliseo pasiring sa ibong kan salog.

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Salmo 118:25

Ligtasan kami, Kagurangnan, ligtasan kami! O Kagurangnan, nakikimaherak kami saimo, papangganaha kami!

Salmo 122:6

Ipamibi nindo an katoninongan nin Jerusalem! “Mag-uswag logod an mga namomoot saimo.

Salmo 127:1

Kun bakong an Kagurangnan an magpatindog kan harong, masasayang sana an trabaho kan mga nagpapatindog kaiyan. Kun bakong an Kagurangnan an magbantay sa syudad, masasayang sana an pagpupuka kan bantay.

Salmo 37:5

Idusay mo an saimong sadiri sa Kagurangnan; magsarig saiya, asin ika saiyang tatabangan.

Exodo 3:15

Sabihan mo man an mga Israelita na an Kagurangnan, an Dios kan saindang mga ginikanan, ni Abraham, ni Isaac, asin ni Jacob, iyo an nagsugo saimo sa sainda. Iyo ini an sakong ngaran sagkod pa man. Gigiromdomon ako sa ngaran na ini sa gabos na henerasyon.

Exodo 3:6

Ako an Dios nin saimong mga magurang, an Dios ni Abraham, ni Isaac, asin ni Jacob.” Kaya tinahoban ni Moises an saiyang lalawogon huli ta natakot siyang maghiling sa Dios.

Mga Talinhaga 3:6

Giromdoma siya sa gabos mong gibo, asin an tamang dalan itutukdo niya saimo.

Mateo 22:32

‘Ako an Dios ni Abraham, ni Isaac, asin ni Jacob.’ Nangangahulogan ini na siya an Dios kan mga buhay, bako kan mga gadan.”

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.