Genesis 24:11 - Marahay na Bareta Biblia

¹¹ Pag-abot niya, pinaluhod niya an mga kamelyo sa may bubon sa luwas kan syudad. Nagsosolnop na an aldaw asin iyo idto an oras na an kababaehan nagduduman tanganing magharok nin tubig.

Genesis 24:11 ပူးပေါင်းရင်းမြစ်များ

Genesis 24:42

“Pag-abot ko sa bubon kasubago, namibi ako, ‘Kagurangnan, Dios nin sakong kagurangnan na si Abraham, tawe ako nin marahay na palad sa gigibohon ko.

Genesis 29:2

Mantang nangangalagkalag siya, nahiling niya an sarong bubon sa oma asin an tolong grupo nin mga karnero na nagloloko sa palibot kan bubon. Digdi sa bubon na ini, na nalulukdoan nin dakulang gapo, pinapainom an mga karnero.

Exodo 2:15

Kan maaraman kan hade an nangyari, naghingowa siyang gadanon si Moises, alagad nagdulag ini pasiring sa Midian tanganing duman na mag-erok. Kan nagtutukaw si Moises sa may bubon, uminabot an pitong aking daraga ni Jetro na padi kan Midian, tanganing magharok nin tubig para sa mga raraan kan mga karnero asin kanding kan saindang ama.

Mga Talinhaga 12:10

Inaataman kan marahay na tawo an saiyang mga hayop, alagad dai naheherak sa sainda an maraot.

Juan 4:7

May uminabot na sarong Samaritana na masakdo. Nagsabi saiya si Jesus, “Painoma man ako.” (

Hukom 5:11

Dangoga! An ribok kan nagtitiripon sa palibot kan mga bubon, nag-oosip kan kapangganahan nin Kagurangnan, kapangganahan kan banwaan nin Israel! Dangan nagmartsa pasiring sa saindang mga trangkahan an banwaan nin Kagurangnan.