Genesis 23:19 - Marahay na Bareta Biblia

¹⁹ Dangan ilinubong ni Abraham an saiyang agom na si Sara sa lungib nin Macpela harani sa Mamre, na inaapod man Hebron, sa daga nin Canaan.

Genesis 23:19 ပူးပေါင်းရင်းမြစ်များ

Genesis 23:18

Minidbid kan gabos na Heteo na nagtiripon duman na an daga sadiri na ni Abraham.

Genesis 23:20

Kaya an oma na dating pagsadiri kan mga Heteo asin an lungib duman nagin pagsadiri ni Abraham asin ginibo niya ining lulubngan.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 37:14

Sinabihan siya ni Jacob, “Lakaw na, asin hilinga kun marahay an kamugtakan kan saimong mga tugang saka kan mga hayop; dangan magbalik ka asin osipan mo ako.” Kaya pinalakaw ni Jacob si Jose hale sa Kapantayan nin Hebron. Nakaabot si Jose sa Shekem

Genesis 47:30

Gusto kong iluwas mo ako sa Egipto asin ilubong sa lulubngan kan sakong mga magurang.” Nagsimbag si Jose, “Kukuyogon ko an sinabi mo.”

Genesis 50:13

dinara ninda an saiyang bangkay sa Canaan asin ilinubong sa lungib nin Makpela, sa sirangan nin Mamre, sa oma na binakal ni Abraham ki Efron na Heteo tanganing paglubongan.

Genesis 50:25

Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.”

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

Parahulit 12:5

Matatakot kamo sa halangkaw na mga lugar, asin magigin makatatakot saindo an paglakaw. Magigin puti an saindong buhok asin magigin dipisil saindo maski an paghiro-hiro; dangan mawawara an gabos nindong pagmawot. Kita gabos maduman sa huring lugar na pahingaloan, dangan malibot sa mga tinampo an mga paramondo.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 6:3

An sarong tawo pwedeng magkaigwa nin sanggatos na aki asin pwedeng mabuhay sa halawig na panahon. Alagad maski gurano kahalawig an saiyang buhay, kun dai niya nanamitan an mga marahay na bagay nin buhay asin dai siya nagkaigwa nin desenteng lubong, ako minasabi na mas marahay pa saiya idtong omboy na gadan nang namundag.