Genesis 23:16 - Marahay na Bareta Biblia

¹⁶ Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

Genesis 23:16 ပူးပေါင်းရင်းမြစ်များ

Genesis 23:15

“Kagurangnan, para sa satong duwa, ano na an daga na nagkakahalaga nin kwatro syentos na pedasong plata? Ilubong mo na duman an saimong agom.”

Genesis 43:21

Kan magkampo kami sa dalan sa samong pagpuli, binukasan mi an samong mga sako dangan nakua kan lambang saro samo an saiyang kwarta sa ibabaw kan mais. Dinara mi giraray an kwarta tanganing ikaoli,

Genesis 49:29

Dangan pinagbotan ni Jacob an saiyang mga aki, “Magagadan na ako; ilubong nindo ako sa kaibahan nin sakong mga ginikanan, duman sa lungib na nasa oma ni Efron na Heteo,

Genesis 50:13

dinara ninda an saiyang bangkay sa Canaan asin ilinubong sa lungib nin Makpela, sa sirangan nin Mamre, sa oma na binakal ni Abraham ki Efron na Heteo tanganing paglubongan.

2 Samuel 14:26

Mahibog nin marahay an saiyang buhok, asin kaipuhan na putolan niya ini taon-taon, kun halaba asin magabat na nin marahay. Minasobra sa duwang kilo an timbang kan saiyang pinutol na buhok, sosog sa timbangan kan hade.

2 Samuel 24:24

Alagad nagsimbag an hade, “Babakalon ko an saimong ginikan sa tamang halaga. Dai ako madolot sa Kagurangnan na sakong Dios nin atang na dai ko binayadan.” Kaya binakal ni David sa halagang singkwentang pedaso na kwartang plata an lugar na pinaggiginikan asin an mga baka.

An Libro ni Job 28:15

Dai iyan mababakal nin plata o bulawan.

Exodo 30:13

An gabos na mabilang sa senso mabayad nin kabangang siklo sosog sa kinaugalean na timbang kan Tabernakulo bilang dolot sako. (An sarong siklo katimbang nin onseng gramong plata.)

Jeremias 32:10

Pinirmahan ko an kasuratan nin kabaklan saka sinelyohan; nagkua ako nin mga saksi asin an kwarta tinimbang ko.

Jeremias 32:9

Binakal ko ki Hanamel an oma saka tinimbang ko saiya an kwarta; an oma nag-abot sa kantidad na dyes y syeteng pedaso nin plata.

Ezekiel 45:12

An takadan na siklo kaipuhan pareho sa beynteng gera. An limang siklo kaipuhan limang siklo mananggad, asin an sampolong siklo, sampolo mananggad. An sarong mina kaipuhan pareho sa sesentang siklo.

Zacarias 11:12

Sinabihan ko sinda, “Kun boot nindo, itao nindo sako an sweldo ko; alagad kun habo kamo, saindo na.” Kaya binayadan ninda ako nin treyntang pedaso nin plata bilang sweldo ko.

Mateo 7:12

“Kaya gibohon nindo sa iba an boot nindong gibohon ninda saindo. Ini an kahulogan kan Katogonan ni Moises asin kan mga katukdoan kan mga propeta.

Mga Gibo 7:16

An saindang mga tolang dinara sa Shekem, asin ilinubong sa lulubngan na binakal ni Abraham sa mga aki ni Hamor.

Roma 13:8

Dai kamo dapat magkautang sa kiisay man—an maninigong utang nindo iyo sana an pagkaminorootmootan. An siisay man na namomoot sa saiyang kapwa nakaotob na kan Katogonan.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.