Genesis 22:17 - Marahay na Bareta Biblia

¹⁷ Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 22:17 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 17:6

Tatawan taka nin dakul na kapagarakian asin gigibohon ko sindang mga nasyon patin magigin mga hade an iba sainda.

Genesis 24:60

Benendisyonan ninda si Rebecca asin sinabihan, “Tugang, magin ina ka logod nin dai mabilang na kaakian! Sakopon logod kan saimong kapagarakian an mga syudad kan saindang mga kaiwal!”

Genesis 25:11

Benendisyonan nin Dios si Isaac na aki ni Abraham pagkagadan kaini. Dangan nag-erok si Isaac sa Beer-lahai-roi.

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 28:3

Bendisyonan logod kan Makakamhan na Dios an saimong pag-agom; tawan ka niya logod nin dakul na aki, tanganing magin ama ka nin dakul na nasyon!

Genesis 28:4

Itao logod saimo asin sa saimong mga kapagarakian an bendisyon ni Abraham tanganing masadirihan mo ining daga na pinag-eerokan mo, na itinao nin Dios ki Abraham.”

Genesis 32:12

Giromdoma an saimong panuga na papakarahayon mo an gabos para sako asin na tatawan mo ako nin dakul na mga kapagarakian na dai mabilang arog kan baybay sa dagat.”

Genesis 32:13

Duman sa lugar na idto naagahan si Jacob. Dangan, sa mga hayop niya, nagpili siya nin panregalo sa tugang niyang si Esau: dos syentos na babaeng kanding saka beynteng lalaking kanding, dos syentos na babaeng karnero dangan beynteng lalaking karnero, treyntang mag-inang kamelyo, kwarentang babaeng baka asin sampolong lalaking baka, beynteng babaeng asno saka sampolong lalaking asno.

2 Samuel 17:11

An hatol ko iyo na tiponon mo an gabos na Israelita magpoon sa sarong poro kan daga sagkod sa ibong na poro, siring sa mga baybay sa dagat, dangan ika mismo an mangenot sainda sa pakilaban.

1 Mga Hade 4:20

An mga tawo sa Juda asin sa Israel siring kadakul kan baybay sa dagat; nagkarakan sinda saka nag-irinom asin mga maogma sinda.

1 Mga Hade 9:26

Nagpagibo man si Solomon nin dakul na barko duman sa Ezion-geber, na harani sa Elat na nasa baybayon kan Dagat na Pula, sa daga nin Edom.

1 Mga Cronica 27:23

Dai binilang ni David an mga tawong dai pa nakaabot sa beynte an edad, huli ta nanuga an Kagurangnan na an Israel gigibohon niyang siring kadakul kan mga bitoon sa langit.

2 Mga Cronica 1:9

O Kagurangnan Dios, otoba ngunyan an saimong panuga sa sakuyang ama. Ginibo mo akong hade nin sarong banwaan na arog kadakul kan alpog sa daga.

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

Exodo 32:13

Giromdoma si Abraham, si Isaac asin si Jacob, an saimong mga sorogoon na pinanugaan mo saka sinabihan na ‘Papadakulon ko an saimong kapagarakian siring sa mga bitoon sa langit; itatao ko sa saimong kapagarakian an dagang ini na ipinanuga ko, asin mapapasainda ini sagkod lamang.’”

Isaias 48:19

Siring kutana kadakul sa baybay kan dagat an saindong kapagarakian, asin dai nanggad sinda mapupuho o matutunaw sa sakong atubang.”

Jeremias 32:22

Itinao mo sainda an mayaman saka matubang na dagang ini, siring kan ipinanuga mo sa saindang mga ginikanan.

Jeremias 33:22

Papadakulon ko an mga kapagarakian ni David na sakong sorogoon saka an mga Levita arog sa dai mabilang na mga bitoon asin sa dai mabilang na baybay kan dagat.”

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Oseas 2:1

Kaya an kapwa nindo Israelita ngaranan nindong “Banwaan nin Dios” asin “Namotan kan Kagurangnan.”

Mikas 1:9

Dai na mabobolong an mga lugad nin Samaria, asin madali na man na magtios sa siring na paagi an Juda; an pagkarumpag nakaabot na sa mga trangkahan nin Jerusalem, sa lugar na pinag-eerokan kan sakong banwaan.”

Roma 4:13

Ipinanuga nin Dios ki Abraham saka sa saiyang kapagarakian na aakoon ninda an kinaban bilang pamana, bakong huli ta si Abraham nagkuyog kan Katogonan, kundi huli ta nagtubod siya sa Dios asin inako nin Dios bilang matanos.

Roma 9:27

Alagad dapit sa mga Israelita, nagsabi si Isaias, “Dawa pa magdakul siring sa baybay kan dagat an kapagarakian ni Israel, dikit sana sainda an makakaligtas,

1 Corinto 15:57

Alagad salamat sa Dios na iyo an nagtatao sato nin kapangganahan huli ki Jesu-Cristo na satong Kagurangnan!

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Deuteronomio 1:10

Ginibo nin Kagurangnan na saindong Dios na magdakul kamo siring sa mga bitoon sa langit.

Deuteronomio 1:11

Padakulon pa logod kamo nin sangribong beses nin Kagurangnan, an Dios kan saindong mga ginikanan, asin bendisyonan kamo siring sa saiyang panuga!

Deuteronomio 10:22

Kan magduman sa Egipto an saindong mga ginikanan, setenta sana sinda; alagad ngunyan pinadakul kamo nin Kagurangnan na saindong Dios siring sa mga bitoon sa langit.

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 13:18

kun kuyogon nindo an saiyang mga togon na ipinagboot ko saindo ngunyan na aldaw, asin gibohon nindo an matanos sa atubang nin Kagurangnan na saindong Dios.

Deuteronomio 21:19

An aki dadarahon kan mga magurang sa mga lider kan banwa na pinag-eerokan ninda.

Hebreyo 11:12

Maski haros magagadan na sa kagurangan si Abraham, siya an ginikanan kan mga kapagarakian na arog kadakul kan mga bitoon sa kalangitan saka kan dai mabilang na baybay sa tampi kan dagat.

Hebreyo 6:14

Nagsabi siya, “Nanunuga ako saimo na bebendisyonan taka asin papadakulon ko an kapagarakian mo.”

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”