Genesis 22:12 - Marahay na Bareta Biblia

¹² “Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 22:12 ပူးပေါင်းရင်းမြစ်များ

Genesis 20:11

Nagsimbag si Abraham, “An paghona ko mayo nin siisay man digdi na may pagkatakot sa Dios, asin gagadanon ninda ako tanganing makua an sakong agom.

Genesis 22:13

Dangan nangalagkalag si Abraham asin nahiling niya an sarong lalaking karnero na an mga sungay napasabit sa sarong marambong na tinanom. Kinua niya idto asin iyo an inatang embes na an saiyang aki.

Genesis 22:16

asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo.

Genesis 22:2

Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

Genesis 26:5

Bebendisyonan taka, huli ta nagsunod sako si Abraham asin inotob niya an gabos kong mga togon asin mga pagboot.”

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

An Libro ni Job 5:19

Sa gabos na panahon ililigtas ka niya sa kapahamakan;

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Salmo 2:11

Maglingkod kamo na may pagkatakot sa Kagurangnan;

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Exodo 20:20

Nagsimbag si Moises, “Dai kamo matakot; huli ta an Dios napadigdi sa pagbalo sa saindo. Boot niyang magkaigwa kamo nin takot sa saiya tanganing dai kamo magkasala.”

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Jeremias 19:5

Nagtugdok sinda nin mga altar para ki Baal tanganing tutongon an saindang mga aki bilang sakripisyo. Dai ko ipinagboot na gibohon ninda ini; dai lamang iyan naglaog sa sakong isip.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Mateo 16:24

Dangan sinabihan ni Jesus an saiyang mga disipulo, “An siisay man na boot sumunod sako, kaipuhan lingawan niya an sadiri niyang buhay, magpasan kan saiyang krus asin magsunod sako.

Mateo 19:29

An siisay man na nagbaya kan saiyang pamilya o mga tugang na babae asin lalaki, ama saka ina, mga aki o mga rogaring dahel sako, maako nin labi pa sa sanggatos na doble, asin magmamana kan buhay na daing kataposan.

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Juan 3:16

Huli ta namoot na gayo an Dios sa kinaban kaya itinao niya an saiyang bugtong na Aki, tanganing an siisay man na magtubod saiya dai magadan kundi magkamit nin buhay na daing kataposan.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Roma 5:8

Alagad ipinahiling nin Dios an saiyang dakulang pagkamoot sato kan si Jesus nagadan para sato kan kita mga parakasala pa!

Roma 8:32

Kun dai niya ngani ipinangalad an saiyang sadiring Aki, kundi itinao niya para sato gabos, an gabos na bagay pa daw an dai niya itao sato kaiba kan saiyang Aki?

1 Corinto 10:13

Anoman na sogot na minaabot saindo, ordinaryo nang minaabot sa tawo. Alagad maimbod an Dios asin dai niya tutugotan na sogotan kamo nin labi pa sa kakayahan nindo. Kun kamo sogotan, papakosogon niya kamo tanganing matagalan nindo iyan asin makakua kamo nin paagi na malusotan iyan.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

Hebreyo 11:19

Aram ni Abraham na an Dios igwa nin kapangyarihan na magbuhay liwat kan mga gadan; kaya pwedeng masabi na garong inako liwat ni Abraham si Isaac hale sa pagkagadan.

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Santiago 2:18

Alagad igwa nin masabi, “Igwa ka nin pagtubod; ako igwa nin gibo.” An sakuyang simbag iyo ini: “Pahilingan sako kun paanong magkaigwa ka nin pagtubod na mayo nin gibo; ipapahiling ko man saimo an sakuyang pagtubod sa paagi kan sakong mga gibo.”

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.