Genesis 21:7 - Marahay na Bareta Biblia

⁷ Nagsabi pa siya, “Siisay an makapagsabi ki Abraham na si Sara magpapadodo nin mga aki? Alagad uya, nagkaaki ako nin lalaki sa saiyang pagkagurang.”

Genesis 21:7 ပူးပေါင်းရင်းမြစ်များ

Genesis 17:17

Nagdapa si Abraham sa daga, alagad napangisi siya kan saiyang isaboot, “Pwede pa daw magkaaki an sarong arog sakong sanggatos na an edad? Pwede pa daw mag-aki si Sara sa edad na nubenta?”

Genesis 18:13

Hinapot nin Kagurangnan si Abraham, “Tano ta nagngisi si Sara asin nagsabing, ‘Pwede pa daw akong magkaaki sa edad kong ini?’

Genesis 21:8

Nagtalubo si Isaac, asin sa aldaw na binutas siya, nagtao si Abraham nin dakulang bangkete.

1 Mga Hade 11:20

Inaki kan agom ni Hadad si Genubat, na pinadakula kan reyna sa palasyo, kaiba kan mga aking lalaki kan hade.

1 Mga Hade 3:21

Pagkaaga, kan magmata ako tanganing pasusohon an sakong aki, nahiling ko na gadan na an aki. Minaanan ko nin marahay an aki dangan namidbid ko na bako idto an sakong aki.”

Salmo 86:10

Dakula ka asin naggigibo nin mga ngangalasan; ika sana nanggad an Dios.

Salmo 86:8

Sa mga dios mayo nin arog saimo, Kagurangnan; mayong gibo na makakaarog sa saimong mga gibo.

Isaias 49:21

Dangan magsasaboot kang, ‘Siisay an nangaki kan gabos na ini para sako? Nagkagaradan na an sakong mga aki asin dai na ako pwedeng mangaki. Itinapok ako asin isinubol sa harayo— siisay an nagpadakula kan kaakian na ini? Ako na sana an natada— saen naghale an mga aki na ini?’”

Isaias 66:8

May nakahiling na daw o nakadangog kan siring na bagay? May nasyon daw na namundag sa saro sanang aldaw? Dai na mahahaloy an pagtitios nin Sion, asin mamumundag an nasyon.

Jeremias 20:15

Maldisyonon logod an tawo na nagpaogma sa sakong ama kan darahon niya saiya an bareta, “Lalaki an aki mo!”

Mga Bilang 23:23

Huli ta mayong gayuma na makakadagka ki Jacob, Mayo nin pangkukulam na makakalaban sa Israel. Masabi ngunyan an mga tawo manongod sa Israel, “Hilinga nindo kun ano an ginibo nin Dios!”

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.

2 Tesalonica 1:10

Mangyayari iyan sa Aldaw na an Kagurangnan pamurawayon kan saiyang mga banal, asin omawon kan gabos na nagtutubod. Kamo man makakaiba ninda, huli ta nagtubod kamo kan mensaheng dinara mi saindo.