Genesis 21:4 - Marahay na Bareta Biblia

⁴ asin kan walong aldaw na an aki, sinerkomsisyon siya ni Abraham sosog sa pagboot nin Dios.

Genesis 21:4 ပူးပေါင်းရင်းမြစ်များ

Exodo 12:48

Mayo nin siisay man na bakong serkomsisyonado an pwedeng kumakan kan Kordero Pangpaskwa. Kun an sarong dayuhan na nakikihimanwa saindo boot magselebrar kan Paskwa tanganing mag-omaw sa Kagurangnan, kaipuhan serkomsisyonon ngona nindo siya asin an gabos na lalaki sa saiyang harong. Dangan mimidbidon na siya siring sa sarong tunay na Israelita asin pwede na siyang makisumaro sa pagselebrar kan Paskwa.

Levitico 12:3

Sa ikawalong aldaw, kaipuhan sirkomsisyonon an aki.

Lukas 1:59

Sa ikawalong aldaw kan aki, nagduman sinda tanganing serkomsisyonon siya. Ngangaranan kutana nindang Zacarias an aki, sunod sa ngaran nin saiyang ama,

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Lukas 2:21

Pag-abot kan ikawalong aldaw, sinerkomsisyon an aki asin nginaranan siyang Jesus, an ngaran na itinao kan anghel bago siya ipangidam.

Mga Gibo 7:8

Dangan itinao nin Dios ki Abraham an serkomsisyon bilang tanda kan tipan. Kaya sinerkomsisyon ni Abraham si Isaac sa ikawalong aldaw pakamundag kaini; siring man an ginibo ni Isaac sa aki niyang si Jacob. Ginibo man iyan ni Jacob sa doseng patriarka.

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.