Genesis 21:33 - Marahay na Bareta Biblia

³³ Nagtanom si Abraham nin kahoy na sampalok sa Beer-sheba asin nag-omaw sa Kagurangnan, an Daing Kataposan na Dios.

Genesis 21:33 ပူးပေါင်းရင်းမြစ်များ

Genesis 12:8

Dangan nagpasiring siya sa mabulod na lugar sa sirangan kan Betel asin itinugdok an saiyang tolda sa pagultanan kan Betel na nasa solnopan asin kan Ai na nasa sirangan. Guminibo siya duman nin altar asin nagsamba sa Kagurangnan.

Genesis 21:32

Pakatapos na gibohon ninda an kontrata sa Beer-sheba, nagpuli si Abimelek asin si Ficol sa daga kan mga Filistio.

Genesis 26:23

Hale duman nagpasiring si Isaac sa Beer-sheba.

Genesis 26:25

Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.

Genesis 26:33

An bubon nginaranan Sheba ni Isaac; kaya sagkod ngunyan an syudad inaapod Beer-sheba.

Genesis 4:26

Nagkaigwa nin aking lalaki si Set na nginaranan niyang Enos. Sa panahon na iyan, an mga tawo nagpoon nang mag-apod sa ngaran nin Kagurangnan.

Salmo 90:2

Bago lalangon an kabukidan, bago mahaman an daga asin an kinaban, ika Dios na mayong kapinonan asin mayong kataposan.

Salmo 93:2

An saimong trono, Kagurangnan, masarig poon kaidto; ika nabubuhay na mayong kapinonan asin mayong kataposan.

Exodo 15:18

Ika, O Kagurangnan, an maghahade sagkod nuarin pa man.”

Isaias 40:28

Dai nindo aram? Dai nindo nadangog? An Kagurangnan iyo an mayong kataposan na Dios; linalang niya an bilog na kinaban. Dai siya napapagal o nanluluya. Mayo nin siisay man na nakakasabot kan saiyang kaisipan.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Roma 1:20

Dai nanggad sinda nin dahelan huli ta poon na lalangon niya an kinaban, maliwanag na nahiling ninda an saiyang nakatagong naturalesa na iyo an saiyang kapangyarihan na mayong kataposan asin an saiyang pagka-Dios. Nahiling ninda iyan sa paagi kan mga bagay na ginibo niya.

Roma 16:26

Alagad ngunyan, ipinahayag na iyan sa paagi kan mga kasuratan kan mga propeta, sosog sa pagboot kan mayong kapinonan asin mayong kataposan na Dios. An misteryong iyan ipinamidbid ngunyan sa gabos na nasyon tanganing magtubod sinda saka magkuyog.

Deuteronomio 16:21

“Kun maggibo kamo nin altar para sa Kagurangnan na saindong Dios, dai kamo magpatindog nin kahoy na tanda kan diosang si Asera sa kataed kaiyan.

Deuteronomio 32:40

Siring na ako an buhay na Dios, iniitaas ko an sakong kamot sa kalangitan asin ako minasumpa

Deuteronomio 33:27

An daing tapos na Dios an saindong erokan; an saiyang mga kamot an saindong kakosogan. Inalaw niya an kaiwal sa saindong pagdangadang, asin nagtaram siya na sa saindong kamot sinda magagadan.

1 Timoteo 1:17

Itao man logod sagkod pa man an paggalang asin an kamurawayan sa Hade na mayo nin kataposan, na mayo nin kagadanan, na dai nahihiling, iyo sanang Dios! Amen.

Hebreyo 13:8

Si Jesu-Cristo iyo man giraray; kaidto, ngunyan asin sagkod pa man.

Hukom 3:7

Nalingawan nin Israel an Kagurangnan na saindang Dios; nagkasala sinda saiya asin nagsamba sa mga Baal sagkod sa mga Asera.