Genesis 21:17 - Marahay na Bareta Biblia

¹⁷ Nadangog nin Dios na naghihibi an aki, asin hale sa kalangitan tinaraman si Hagar kan anghel nin Dios, “Ano an problema mo, Hagar? Dai ka matakot; huli ta nadangog nin Dios an tingog kan saimong aki.

Genesis 21:17 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 16:11

Bados ka, asin mangangaki nin lalaki; aapodon mo siyang Ismael, huli ta dinangog nin Kagurangnan an saimong agrangay.

Genesis 16:7

Sinabat si Hagar kan anghel nin Kagurangnan sa may burabod sa kalangtadan, sa dalan pasiring sa Sur.

Genesis 16:8

Hinapot siya kan anghel, “Hagar, oripon ni Sarai, saen ka hale asin saen ka maduman?” Nagsimbag siya, “Nagdudulag ako ki Sarai na sakong kagurangnan.”

Genesis 16:9

“Bumalik ka,” an sabi kan anghel, “asin paglingkodan mo siya.”

Genesis 22:11

Alagad, hale sa langit, inapod siya kan anghel nin Kagurangnan, “Abraham, Abraham!” “Uya ako,” an simbag niya.

Genesis 24:7

An Kagurangnan, an Dios nin langit, na nagdara sako digdi hale sa harong nin sakong ama asin sa dagang namundagan ko, nanuga sako na itatao niya an dagang ini sa sakong mga kapagarakian. Papaenoton niya saimo an saiyang anghel tanganing ikakua mo duman nin agom an aki ko.

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 46:3

Nagtaram an Dios saiya, “Ako an Dios, an Dios kan saimong ama. Dai ka matakot na magduman sa Egipto; gigibohon takang sarong dakulang nasyon duman.

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Hade 13:4

Dangan namibi si Jehoahaz sa Kagurangnan, asin dinangog nin Kagurangnan an saiyang pamibi huli ta nahiling niya kun paano pinasakitan kan hade nin Siria an Israel.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 6:8

Humarayo kamo sako, mga paragibo nin karatan! An sakong pagtangis dinadangog nin Kagurangnan.

Salmo 65:2

huli ta dinadangog mo an mga pamibi. An gabos na tawo saen man na lugar madolok saimo

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Exodo 22:23

Kun pasakitan nindo sinda dangan maghagad sinda sako nin tabang, ako, an Kagurangnan, matabang sa sainda.

Exodo 22:27

huli ta iyo sana iyan an gamit niyang tamong na makakapahimbong kan saiyang hawak. Ano pa an gagamiton niya sa pagkatorog? Kun maghagad siya sako nin tabang, dadangogon ko siya huli ta ako maheherakon.

Exodo 3:2

Nagpahiling saiya duman an anghel nin Kagurangnan sa laad nin kalayo na naghahale sa tahaw kan sarong marambong na tinanom. Nahiling niya na nagkakalayo an marambong na tinanom alagad dai man ini nasusulo.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Isaias 22:1

Iyo ini an mensahe dapit sa Kapantayan nin Bisyon. Ano an nangyayari? Tadaw ta nagseselebrar an gabos na tawo sa atop kan saindang mga harong?

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Mateo 15:32

Dangan pinarani ni Jesus saiya an mga disipulo asin sinabihan, “Naheherak ako sa mga tawong ini huli ta tolong aldaw na sindang kaiba ko asin mayo na sindang makakakan. Habo ko sindang papulion na gutom, ta tibaad panluyahon sinda sa dalan.”

Markos 5:36

Dai dinangog ni Jesus an ibinareta ninda asin sinabihan si Jairo, “Dai ka matakot, magtubod ka sana.”

Deuteronomio 26:7

Dangan nag-agrangay kami sa Kagurangnan, an Dios nin samong mga ginikanan. Dinangog niya kami asin nahiling niya an samong pagtios, kasakitan sagkod kaapihan.

Hukom 18:23

asin kinurahawan. Inatubang sinda kan tribu ni Dan dangan hinapot si Micas, “Ano an nangyari saimo ta dakul an saimong kairiba?”

1 Samuel 11:5

Minaabot pa sana si Saul hale sa oma kasunod kan saiyang mga baka, kaya naghapot siya, “Ano an nangyayari? Tadaw ta naghihiribi kamo gabos?” Inistorya ninda ki Saul an baretang dara kan mga lalaking hale sa Jabes.