Genesis 21:15 - Marahay na Bareta Biblia

¹⁵ Kan maubos an tubig, binayaan kan ina an saiyang aki sa lindong nin sarong marambong na tinanom

Genesis 21:15 ပူးပေါင်းရင်းမြစ်များ

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 21:16

dangan tuminukaw sa sarong lugar na may sanggatos metros an rayo. Nagsaboot siya, “Dai ko kayang hilingon an pagkagadan kan sakong aki.” Mantang nagtutukaw siya duman, nagpoon siyang maghibi.

1 Mga Hade 17:12

Nagsimbag an balo, “Minasumpa ako sa ngaran kan buhay na Kagurangnan na saimong Dios na mayo ako nin tinapay. Igwa na sana ako nin sarong gugom na arina sa mangko saka kadikit na lana nin oliba sa dulay. Nagdigdi ako tanganing mamurot nin nagkapirang igatong na dadarahon ko pabalik sa harong, dangan aandamon ko an kadikit na pagkakan para sako asin para sa sakong aking lalaki. Huring pagkakan mi na iyan, dangan magagadan na kami sa gutom.”

2 Mga Hade 3:9

Kaya nagluwas si Hadeng Joram kaiba an hade nin Juda saka an hade nin Edom. Pakalihis nin pitong aldaw na pagmartsa, naubosan sinda nin tubig; mayo na nin inomon an hukbo asin an mga hayop.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Isaias 44:12

An panday sa metal minakua nin sarong pedasong metal dangan binabaga iyan sa kalayo. Dangan pinupulpog niya iyan nin martilyo asin nagkakaigwa iyan nin porma huli kan makokosog niyang braso. Mantang nagtatrabaho, nagugutom siya, napapaha asin napapagal.

Jeremias 14:3

Sinugo kan mayayaman an saindang mga sorogoon tanganing magharok; nagduman sinda sa mga bubon, alagad mayo sinda nin nakuang tubig; nagbalik sinda na mayo nin laog an mga tapayan. Huli sa kasosopgan saka pagkaribong, tinahoban ninda an saindang mga lalawogon.