Genesis 20:17 - Marahay na Bareta Biblia

¹⁷ Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

Genesis 20:17 ပူးပေါင်းရင်းမြစ်များ

Genesis 12:17

Alagad huli ta kinua kan hade si Sarai, siya asin an mga yaon sa saiyang palasyo pinadarahan nin Kagurangnan nin mga makangirhat na helang.

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

Genesis 29:31

Kan mahiling nin Kagurangnan na pinaorog ni Jacob si Rachel, pinagmarahay niyang magkaaki si Lea alagad ginibo niyang baog si Rachel.

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Isaias 45:11

An Kagurangnan, an banal na Dios nin Israel, an nagtataong direksyon sa maabot pang panahon, nagsasabi: “Mayo kamong deretso na maghapot sako dapit sa sakong mga aki o magsabi sako kan dapat kong gibohon!

Mga Bilang 12:13

Kaya namibi si Moises sa Kagurangnan, “Nakikimaherak ako, O Dios, na paomayan mo siya!”

Mga Bilang 21:7

Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Mateo 21:22

Kun kamo magtubod, makakamtan nindo an anoman na hagadon nindo sa pamibi.”

Mateo 7:7

“Maghagad kamo asin tatawan kamo; maghanap asin makukua nindo; tumuktok asin bubuksan kamo.

Mga Gibo 3:24

An gabos na propeta poon ki Samuel sagkod an nagsurunod saiya, nagtaram man dapit kan mga aldaw na ini.

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

1 Tesalonica 5:25

Mga tugang, ipamibi man nindo kami.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.