Genesis 20:11 - Marahay na Bareta Biblia

¹¹ Nagsimbag si Abraham, “An paghona ko mayo nin siisay man digdi na may pagkatakot sa Dios, asin gagadanon ninda ako tanganing makua an sakong agom.

Genesis 20:11 ပူးပေါင်းရင်းမြစ်များ

Genesis 12:12

Kun mahiling ka kan mga Egipcio, sasabihon nindang agom taka kaya gagadanon ninda ako alagad bubuhayon ka.

Genesis 20:10

Tadaw ta ginibo mo idto?”

Genesis 20:12

Totoo na tugang ko si Sara. Aki siya kan sakong ama, alagad bako kan sakong ina, asin inagom ko siya.

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 26:7

Kan hapoton siya kan kalalakihan duman manongod sa saiyang agom, nagsimbag siya na tugang niya ini. Dai niya inako na agom ini, huli ta takot siyang gadanon kan mga lalaki duman tanganing makua sana si Rebecca na magayon nin marahay.

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 16:6

Pinapatawad an kasalan huli sa kaimbodan, asin malilikayan nin tawo an karatan huli sa pagkatakot sa Kagurangnan.

Mga Talinhaga 2:5

dangan masasabotan mo kun ano an pagkatakot sa Kagurangnan, asin maaaraman mo an kahulogan kan pakamidbid sa Dios.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Roma 3:18

ni nakanood na matakot sa Dios.”