Genesis 20:1 - Marahay na Bareta Biblia

¹ Hale sa Mamre, nagpasiring sa habagat na parte kan Canaan si Abraham asin nag-erok sa pagultanan kan Kades asin Sur. Kan nag-eerok na siya sa Gerar,

Genesis 20:1 ပူးပေါင်းရင်းမြစ်များ

Genesis 10:19

Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan.

Genesis 12:9

Dangan nagpadagos sa paglakaw si Abram pasiring sa habagat na parte kan Canaan.

Genesis 13:1

Pakahale sa Egipto, naglakaw si Abram pasiring sa habagat na parte kan Canaan kaiba an saiyang agom asin an gabos niyang rogaring; nag-iba man saiya si Lot.

Genesis 14:7

Dangan nagbalik sinda asin nagduman sa Enmispat (o Kades) saka nasakop ninda an gabos na daga kan mga Amalekita asin dinaog ninda an mga Amoreo na nag-eerok sa Hazazon-tamar.

Genesis 16:1

Dai nagkaaki si Abram ki Sarai na saiyang agom. Alagad igwa si Sarai nin sarong babaeng oripon na taga Egipto na an ngaran Hagar.

Genesis 16:14

Kaya poon kaidto, an bubon duman sa pagultanan kan Kades asin Bered inapod, “Beer-lahai-roi.”

Genesis 16:7

Sinabat si Hagar kan anghel nin Kagurangnan sa may burabod sa kalangtadan, sa dalan pasiring sa Sur.

Genesis 18:1

Duman sa may sagradong mga kahoy ni Mamre, nagpahiling an Kagurangnan ki Abraham. Sa kainitan kan aldaw, mantang nagtutukaw siya sa may pintoan kan saiyang tolda,

Genesis 21:34

Nag-erok si Abraham sa daga kan mga Filistio sa haloy na panahon.

Genesis 24:62

Kan panahon na iyan, si Isaac nag-eerok sa habagat na parte kan Canaan; nag-abot siya sa kalangtadan nin Beer-lahai-roi.

Genesis 25:18

An saiyang mga kapagarakian nag-erok poon sa Havila sagkod sa Sur na nasa ibong kan Egipto, sa dalan pasiring sa Asiria; namuhay sindang suhay sa ibang mga kapagarakian ni Abraham.

Genesis 26:1

Nagkaigwa nin gutom sa daga, na laen man kan naenot na gutom kan panahon ni Abraham. Nagduman si Isaac sa Gerar, ki Abimelek na hade kan mga Filistio.

Genesis 26:20

Alagad iniwal an mga pastor ni Isaac kan mga pastor sa Gerar na nagsasabi, “Samo an tubig na ini.” Kaya Esek an inginaran ni Isaac sa bubon, huli ta iniwal siya ninda.

Genesis 26:26

Hale sa Gerar, nagduman si Abimelek ki Isaac, kaiba si Ahuzzat na saiyang parahatol asin si Ficol na pamayo kan saiyang hukbo.

Genesis 26:6

Kaya nag-erok si Isaac sa Gerar.

Salmo 29:8

An tingog nin Kagurangnan nakakapalinog kan desyerto; an Kagurangnan nakakapalinog kan desyerto nin Kades.

Exodo 15:22

Sa pangengenot ni Moises, naghale an mga tawo sa Dagat na Pula asin nagpasiring sa kalangtadan nin Sur. Tolong aldaw na sindang nagralakaw, alagad mayo sindang nakuang tubig.

Mga Bilang 13:26

ki Moises, ki Aaron asin sa bilog na komunidad nin Israel duman sa Kades sa kalangtadan nin Paran. Inosip ninda an saindang nahiling dangan ipinahiling ninda an mga dara nindang prutas.

Mga Bilang 20:16

kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Deuteronomio 1:19

“Sinunod ta an pagboot nin Kagurangnan na satong Dios. Naghale kita sa Bukid nin Sinai asin naglakaw sa mahiwas asin makatakot na desyerto pasiring sa mabulod na daga kan mga Amoreo. Kan nakaabot kita sa Kades-barnea,

Deuteronomio 32:51

huli ta dai kamo nagin maimbod sako sa atubang kan banwaan nin Israel. Dai kamo nagtubod sako asin dai nindo ako ginalangan sa atubang ninda, kan yaon kamo duman sa katubigan nin Meriba, harani sa banwa nin Kades sa desyerto nin Zin.

1 Samuel 15:7

Nadaog ni Saul an mga Amalekita, na saiyang linabanan magpoon sa Havila sagkod sa Sur, sa sirangan nin Egipto.