Genesis 19:9 - Marahay na Bareta Biblia

⁹ Alagad nagsabi sinda, “Hale diyan! Dayuhan ka sana digdi asin mayo kang deretsong magsabi samo kaiyan. Hale diyan ta tibaad mas maraot pa an mangyari saimo ki sa mga bisita mo.” Itinuklang ninda si Lot tanganing gabaon an pinto.

Genesis 19:9 ပူးပေါင်းရင်းမြစ်များ

Genesis 11:6

Nagtaram siya, “An mga tawong ini nagkakasararo asin saro sana an saindang lengwahe; iyo ini an kapinonan kan saindang mga gigibohon. Dai mahahaloy magigibo na ninda an ano man na saindang mawoton.

Genesis 13:12

Nagpawalat si Abram sa Canaan mantang si Lot nag-erok sa mga syudad duman sa kapantayan na harani sa Sodoma.

Exodo 2:14

Nagsimbag an lalaki, “Siisay an nagbugtak saimo na magin samong pamayo asin hukom? Ano, gagadanon mo man ako arog kan ginibo mo sa Egipcio?” Natakot si Moises asin nagsaboot, “Aram na palan an ginibo ko.”

Mga Talinhaga 14:16

An Tawong madonong maingat asin minalikay sa karatan, alagad an lolong mayo nin pag-ingat asin mayo nin pagpupugol sa sadiri.

Mga Talinhaga 17:12

Marahay pang magsabat sa babaeng oso na inagawan kan saiyang mga ogbon, ki sa sarong lolong sa saiyang kalolongan.

Mga Talinhaga 27:3

Magabat an gapo, asin may timbang an baybay, alagad an problemang bunga nin kalolongan mas magabat sa duwang iyan.

Parahulit 10:13

An lolong minapoon sa pagtaram nin kalolongan asin natatapos sa karungawan.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Isaias 65:5

Dangan minasabi sindang, ‘Magrayo kamo samo. Mga banal kami asin dai kami dapat na madutaan nindo!’ Dai ko maaako an mga tawong siring kaiyan—an sakong kaanggotan tumang sainda nakakaagid sa sarong kalayo na dai napapalsok.

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Jeremias 6:15

Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Ezekiel 16:49

Nag-orgulyo siya asin an saiyang mga aking babae huli ta igwa sinda nin dakul na kakanon asin nag-eerok sa katoninongan, alagad dai ninda inataman an mga dukha saka an mga daing sukat.

Mateo 7:6

“Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

1 Samuel 17:44

Nagsabi siya ki David, “Madya na asin itatao ko an saimong hawak sa mga gamgam asin sa mga hayop.”

1 Samuel 2:16

Kun an kagdolot magsimbag, “Gibohon ta an tama; tutongon ta ngona an taba dangan ka na kumua kan boot mo,” masabi an sorogoon kan padi “Dai! Itao mo na ngunyan an karne! Kun dai, kukuahon ko iyan sa paagi nin kosog!”

1 Samuel 25:17

Kaya dapat maisihan mo ini tanganing maaraman mo an tamang gibohon, huli ta maraot an mangyayari sa satong kagurangnan asin sa bilog niyang pamilya. Dai niya dinadangog an siisay man huli kan maraot niyang ugale!”