Genesis 19:8 - Marahay na Bareta Biblia

⁸ Igwa ako nin duwang aking babae na anas pa birhen; iluluwas ko sinda sa saindo asin gibohon nindo sa sainda an gusto nindong mangyari, alagad dai nindo paggibohan nin ano man an mga lalaking ini. Mga bisita ko sinda asin kaipuhan na ingatan ko.”

Genesis 19:8 ပူးပေါင်းရင်းမြစ်များ

Genesis 18:5

Dadarahan ko kamo nin dikit na kakanon tanganing magbalik an saindong kosog. Pakatapos kaiyan pwede na kamong magpadagos sa saindong paglakaw. Inonra nindo ako sa paghapit sa sakong harong, kaya tugoteng paglingkodan ko kamo.” “Ika an bahala,” an simbag ninda.

Genesis 19:7

Sinabihan niya sinda, “Mga tugang, nakikimaherak ako, dai nindo paggibohon an siring na karatan.

Genesis 42:37

Sinabihan ni Ruben an saiyang ama, “Kun dai ko ikabalik saimo si Benjamin, pwede mong gadanon an duwa kong aki. Ipaniwala mo siya sako asin ibabalik ko siya saimo.”

Exodo 32:22

Nagsimbag si Aaron, “Dai ka maanggot sako; aram mong desidido an mga tawong ini sa paggibo nin maraot.

Mga Talinhaga 9:7

An nagsasaway sa paratuyatuya, maani nin pagtuyatuya; an minasagwe sa maraot na tawo makakakua nin kulog nin hawak.

Isaias 58:7

Hirasan nindo nin pagkakan an mga nagugutom asin pasakaton nindo sa saindong mga harong an mga dukhang mayo nin harong. Tawan nindo nin gubing an mga mayo, asin dai kamo magsayuma sa pagtabang sa saindong mga kadugo.

Markos 9:6

Dai naaraman ni Pedro kun ano an saiyang sasabihon, huli ta siya asin an saiyang duwang kairiba inabotan nin dakulang takot.

Roma 3:8

Tadaw ta dai kita maggibo nin maraot tanganing lumataw an marahay? Ini daa an itinutukdo ko, an sabi kan nagkapirang nagpapakaraot sako! Alagad an mga tawong iyan maninigong kondenaron.

Hukom 19:23

Alagad nagluwas sa harong an gurang asin nakiolay sainda, “Dai nindo paggibohon iyan. An lalaking ini sakong bisita. Dai kamo maggibo kan siring na karatan.

Hukom 19:24

Uya an saiyang kasaroan asin an sakong aking daraga; iluluwas ko sinda. Gibohon nindo sainda an boot nindo, alagad dai nindo paggibohon an siring na karatan sa lalaking ini.”

Hukom 9:15

Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’