Genesis 19:7 - Marahay na Bareta Biblia

⁷ Sinabihan niya sinda, “Mga tugang, nakikimaherak ako, dai nindo paggibohon an siring na karatan.

Genesis 19:7 ပူးပေါင်းရင်းမြစ်များ

Genesis 19:4

Kan makatorog na sinda, pinalibotan an harong ni Lot kan kalalakihan nin Sodoma. Idtoon duman an gabos na lalaki, aki asin gurang.

Genesis 19:6

Linuwas sinda ni Lot dangan sinerahan an pinto.

Genesis 19:8

Igwa ako nin duwang aking babae na anas pa birhen; iluluwas ko sinda sa saindo asin gibohon nindo sa sainda an gusto nindong mangyari, alagad dai nindo paggibohan nin ano man an mga lalaking ini. Mga bisita ko sinda asin kaipuhan na ingatan ko.”

Levitico 18:22

Dai kamo makidorog sa kapwa nindo lalaki na iarog nindo siya sa sarong babae; anggot an Dios sa siring na karigsokan.

Levitico 20:13

Kun an sarong lalaki magdorog sa kapwa niya lalaki, na garo ini sarong babae, nakaginibo sinda nin karigsokan; gagadanon sindang duwa; sinda an responsable kan saindang kagadanan.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Roma 1:24

Kaya pinabayaan sinda nin Dios sa mga maati nindang gibo; naggiribo sinda nin kadustaan sa saindang mga hawak.

Deuteronomio 23:17

“Mayo nin Israelita, lalaki man o babae, na maggibo nin karigsokan sa Templo bilang bayadan na maraot na lalaki o babae.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

Hukom 19:23

Alagad nagluwas sa harong an gurang asin nakiolay sainda, “Dai nindo paggibohon iyan. An lalaking ini sakong bisita. Dai kamo maggibo kan siring na karatan.

Hukom 9:26

Dangan uminabot sa Shekem si Gaal na aking lalaki ni Ebed kaiba an mga tugang niyang lalaki, asin nagsarig saiya an mga tawo duman.