Genesis 19:38 - Marahay na Bareta Biblia

³⁸ An ngohod nag-aki man nin lalaki na saiyang nginaranan Ben-ammi; ini an ginikanan kan mga tawo na ngunyan inaapod Ammonita.

Genesis 19:38 ပူးပေါင်းရင်းမြစ်များ

Genesis 20:1

Hale sa Mamre, nagpasiring sa habagat na parte kan Canaan si Abraham asin nag-erok sa pagultanan kan Kades asin Sur. Kan nag-eerok na siya sa Gerar,

Salmo 83:9

Giboha sainda an ginibo mo sa mga Midianita; ki Sisera asin ki Jabin duman sa salog nin Kison.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Sofonias 2:8

An Kagurangnan nin mga hukbo nagtataram, “Nadangog ko an pagtuyatuya asin pag-olog-olog kan mga taga Moab saka Ammon sa sakong banwaan, asin naghahambog sinda na sasakopon ninda an daga kaini.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Deuteronomio 2:19

Harani na kamo kaiyan sa daga kan mga Ammonita, na kapagarakian ni Lot. Dai nindo sinda pagribokon o kalabanon, huli ta maski sarong pedaso kan saindang daga dai ko itatao saindo; itinao ko na iyan sainda.’” (

Deuteronomio 2:9

Nagtaram sako an Kagurangnan, ‘Dai nindo pagribokon o kalabanon an mga Moabita, na kapagarakian ni Lot, huli ta itinao ko na sainda an daga nin Ar, asin dai ko kamo tatawan maski sarong pedaso kan saindang daga.’” (

Deuteronomio 23:3

“An mga Ammonita o mga Moabita, saka an saindang kapagarakian sagkod sa ikasampolong henerasyon, dai pwedeng ibilang sa banwaan nin Kagurangnan.

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

1 Samuel 14:47

Kan nagin hade si Saul sa Israel, nakilaban siya sa gabos niyang kaiwal sa manlaen-laen na lugar: sa mga Moabita, sa mga Ammonita, saka sa mga Edomita, sa mga hade kan Zoba asin sa mga Filisteo. Saen man nakilaban si Saul, nanggana siya.