Genesis 19:29 - Marahay na Bareta Biblia

²⁹ Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

Genesis 19:29 ပူးပေါင်းရင်းမြစ်များ

Genesis 11:27

Iyo ini an mga kapagarakian ni Tera, na ama ni Abram, Nahor asin Haran. Si Haran iyo an ama ni Lot.

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 30:22

Dangan nagiromdoman nin Dios si Rachel; sinimbag niya an mga pamibi kaini asin pinapangyaring mag-aki.

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

Nehemias 13:14

Giromdoma, Dios ko, an mga ginibo kong ini para sa saimong Templo asin sa paglingkod diyan.

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

An Libro ni Job 35:8

An saimong karatan nakakaraot sa mga kapwa mo tawo, asin an saimong katanosan nakakatabang sa sainda.

Salmo 105:42

Huli ta nagiromdoman niya an banal niyang panuga ki Abraham na saiyang sorogoon.

Salmo 105:8

An saiyang tipan ginigiromdom niya sagkod pa man, an saiyang panuga para sa rinibong henerasyon;

Salmo 106:4

Giromdoma ako, Kagurangnan, kun tinatabangan mo an saimong banwaan. Ibahan ako kun sinda tinatawan mo nin kaligtasan.

Salmo 136:23

Siya an nakagiromdom kan kita nagkadaraog; an saiyang pagkamoot mayo nin kataposan;

Salmo 145:20

Sinusurog nin Kagurangnan an gabos na namomoot saiya; alagad gagadanon niya an gabos na tampalasan.

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Ezekiel 14:16

Maski pa nag-eerok duman an nasabing tolong lalaki, mantang ako an Kagurangnan Dios na buhay, dai ninda pwedeng ikaligtas maski an saindang mga aki. An ikakaligtas sana kan saindang katanosan iyo an sadiri nindang buhay, asin an daga makakaarog sa sarong kalangtadan.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.

Deuteronomio 9:27

Giromdoma an saimong mga sorogoon na si Abraham, si Isaac saka si Jacob; pabayaan mo an katagasan nin payo kan mga tawong iyan, an saindang karatan asin kasalan;

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

2 Pedro 2:7

Alagad ilinigtas nin Dios si Lot, sarong marahay na tawo na nagmondo dahel sa karompotan kan mga maraot na tawo.