Genesis 19:24 - Marahay na Bareta Biblia

²⁴ Dangan, an Sodoma asin an Gomorra pinauranan nin Kagurangnan nin nagkakalayong asupre.

Genesis 19:24 ပူးပေါင်းရင်းမြစ်များ

Genesis 13:10

Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Genesis 13:12

Nagpawalat si Abram sa Canaan mantang si Lot nag-erok sa mga syudad duman sa kapantayan na harani sa Sodoma.

Genesis 18:17

Nagsaboot an Kagurangnan, “Dai ko dapat pagtagoon ki Abraham an gigibohon ko,

Genesis 19:23

Nagsisirang na an aldaw kan makaabot si Lot sa Zoar.

An Libro ni Job 1:16

Dai pa nakakatapos pagtaram an sorogoon, kan saro pang sorogoon an nag-abot dangan nagsabi, “Tinamaan kan kikilat an mga karnero saka an mga pastor; nagkagaradan sinda gabos. Ako sana an nakadulag tanganing magbareta saimo.”

An Libro ni Job 18:15

Nag-eerok sa saiyang tolda an bako niyang kadugo— pakatapos na mawirikan asin malinigan iyan nin asupre.

Salmo 11:6

Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

Exodo 9:23

Kaya itinaas ni Moises an saiyang sugkod, dangan pinadaguldol asin pinakikilat nin Kagurangnan saka pinauranan nin yelo an daga.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Jeremias 20:16

An tawong idto magin arog logod sa mga syudad na mayong herak na rinaot nin Kagurangnan. Mga pagtangis logod an madangog niya sa pagkaaga asin kurahaw nin gera sa pagkaodto,

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 49:18

Mangyayari sa Edom an siring kan nangyari sa Sodoma saka sa Gomorra kan rumpagon an mga ini saka an kataraed na mga banwa. Mayo na nanggad nin mag-eerok duman. Ako, an Kagurangnan, an nagtaram.

Jeremias 50:40

An nangyari sa Sodoma saka sa Gomorra kan raoton ko an mga syudad na iyan asin an mga kataraed na mga banwa, mangyayari man sa Babilon. Mayo na nin tawong mag-eerok duman sagkod lamang. Ako, an Kagurangnan, an nagtaram.

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Lukas 10:12

Sinasabihan ko kamo na sa Aldaw nin Paghukom mas magian an padusang itatao nin Dios sa Sodoma ki sa banwaan na iyan!

Deuteronomio 28:24

Embes na uran, papadarahan kamo kan Kagurangnan nin dakul na alpog saka abo sagkod na kamo magadan.

Deuteronomio 29:22

“Sa maabot na mga henerasyon, an saindong mga kapagarakian sagkod an mga dayuhan na gikan sa mga harayong lugar makakahiling kan mga kasakitan saka mga kahelangan na ipinadara nin Kagurangnan sa saindong daga.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

Kapahayagan 14:10

mainom kan arak nin kaanggotan nin Dios—na mayong salak na ibinubo sa kopa nin saiyang kaanggotan. Papasakitan siya sa kalayo saka sa asupre sa atubang kan banal na mga anghel asin kan Kordero.