Genesis 19:17 - Marahay na Bareta Biblia

¹⁷ Pakatapos, nagsabi an sarong anghel, “Dulag na kamo! Ligtasan an saindong buhay! Dai kamo magsalingoy asin dai kamo mag-ontok sa kapantayan. Magduman kamo sa kabubuldan tanganing dai kamo magadan.”

Genesis 19:17 ပူးပေါင်းရင်းမြစ်များ

Genesis 13:10

Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Genesis 14:10

Sa Kapantayan nin Siddim kadakul an mga kalot na igwang aspalto, kaya kan magdulag sa ralaban an mga hade kan Sodoma asin Gomorra, nahulog sinda duman; alagad an tolong hade nakadulag sa kabubuldan.

Genesis 18:22

Dangan naghale an mga lalaki asin naglakaw pasiring sa Sodoma, alagad nawalat an Kagurangnan sa kaibahan ni Abraham.

Genesis 19:18

Alagad nagsimbag si Lot, “Kagurangnan ko, hare man kami pagpagiboha kaiyan;

Genesis 19:22

Alagad maghidali ka, huli ta dai akong magiginibo sagkod na dai ka pa nakakaabot duman.” Kaya an lugar nginaranan Zoar huli ta inapod ini ni Lot na sadit.

Genesis 19:26

Alagad nagsalingoy an agom ni Lot kaya nagin sarong hariging asin siya.

Genesis 19:30

Natakot si Lot na mag-erok sa Zoar, kaya ipinag-iba niya an duwa niyang aking daraga asin nagtukad sinda sa kabubuldan dangan nag-erok sa sarong lungib.

1 Mga Hade 1:12

Uya an hatol ko saimo tanganing ikaligtas mo an saimong buhay asin an buhay kan saimong aking si Solomon.

1 Mga Hade 19:3

Natakot si Elias, kaya ipinag-iba niya an saiyang sorogoon asin nagdulag siya pasiring sa Beer-sheba sa Juda. Iwinalat duman ni Elias an saiyang sorogoon,

Salmo 121:1

Itinitingkalag ko sa mga bulod an mga mata ko; saen daw magikan an tabang para sako?

Jeremias 48:6

‘Maghidali kamo, iligtas nindo an saindong buhay!’ an sabi ninda. ‘Magdalagan kamo arog kan lalaw na asno sa desyerto!’

Mga Bilang 16:26

Sinabihan niya an mga tawo, “Humarayo kamo sa mga tolda kan mga maraot na tawong ini. Dai nindo pagdutaan an ano man na pagsadiri ninda tanganing dai kamo matunaw kaiba ninda huli kan saindang mga kasalan.”

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Lukas 12:23

Huli ta mas mahalaga an buhay ki sa kakanon asin an hawak ki sa gubing.

Lukas 9:62

Sinabihan siya ni Jesus, “An siisay man na nag-aarado dangan magsalingoy, bakong maninigo sa Kahadean nin Dios.”

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

1 Samuel 19:11

Kan banggi man sanang idto, pinabantayan ni Saul sa nagkapirang lalaki an harong ni David tanganing magadan niya pagkaaga. Alagad, pinatanidan si David ni Mical na saiyang agom, “Kun dai ka magdulag ngunyan na banggi, magagadan ka sa aga.”