Genesis 19:14 - Marahay na Bareta Biblia

¹⁴ Kaya dinuman ni Lot an mga lalaking gustong mag-agom kan duwa niyang daraga asin sinabihan, “Maghale tolos kamo digdi; tutunawon nin Kagurangnan an syudad na ini.” Alagad an mga ini naghona na nagkakalwag sana si Lot.

Genesis 19:14 ပူးပေါင်းရင်းမြစ်များ

Genesis 19:15

Kan nagbabanaag na an aldaw, pinahidali kan mga anghel si Lot. “Dalian mo!” an sabi ninda. “Ipag-iba mo an saimong agom asin an duwa mong aking daraga dangan humale na kamo tanganing dai kamo magkagaradan kun tunawon na an syudad.”

Genesis 19:17

Pakatapos, nagsabi an sarong anghel, “Dulag na kamo! Ligtasan an saindong buhay! Dai kamo magsalingoy asin dai kamo mag-ontok sa kapantayan. Magduman kamo sa kabubuldan tanganing dai kamo magadan.”

Genesis 19:22

Alagad maghidali ka, huli ta dai akong magiginibo sagkod na dai ka pa nakakaabot duman.” Kaya an lugar nginaranan Zoar huli ta inapod ini ni Lot na sadit.

2 Mga Cronica 30:10

An mga sinugo naglibot sa lambang syudad sa bilog na teritoryo kan mga tribu ni Efraim saka ni Manases, sagkod sa harayong tribu ni Zabulon, alagad pinagngisihan asin pinagtuyatuya sinda kan mga tawo.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Exodo 12:31

Kan mismong bangging idto, ipinaapod kan hade si Moises saka si Aaron asin sinabihan, “Magharale na kamo digdi sa sakong banwaan, kamo asin an kapwa nindo Israelita! Lakaw asin sambaha nindo an Kagurangnan siring sa saindong hinahagad.

Exodo 9:21

Alagad an iba dai natakot sa patanid nin Kagurangnan kaya pinabayaan sa kaomahan an saindang mga oripon asin mga hayop.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 43:1

Pakatapos na sabihon ko sa mga tawo an gabos na tataramon nin Kagurangnan para sainda,

Jeremias 43:2

nagsabi sako si Azarias na aking lalaki ni Osaias, si Johanan na aking lalaki ni Kareas, asin an gabos na mapalangkaw na lalaki, “Nagpuputik ka. Dai ka sinugo nin Kagurangnan na satong Dios tanganing sabihan kami na dai magduman saka mag-erok sa Egipto.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Ezekiel 20:49

Alagad nagsabi ako, “Kagurangnan Dios, hare ako pagpagiboha kaiyan! Nagrereklamo na sako an lambang saro na danay akong nagtataram sa mga talinhaga.”

Mga Bilang 16:21

“Humarayo kamo sa mga tawong ini tanganing matunaw ko sinda tolos.”

Mga Bilang 16:26

Sinabihan niya an mga tawo, “Humarayo kamo sa mga tolda kan mga maraot na tawong ini. Dai nindo pagdutaan an ano man na pagsadiri ninda tanganing dai kamo matunaw kaiba ninda huli kan saindang mga kasalan.”

Mga Bilang 16:45

“Humarayo kamo sa mga tawong iyan asin tutunawon ko sinda tolos!” Nagdapa sindang duwa,

Mateo 1:18

Siring kaini an pagkamundag ni Jesu-Cristo. Si Maria na saiyang ina ikinasal ki Jose, alagad bago sinda kasalon, nangingidam na si Maria. An saiyang ipinapangidam gikan sa Espiritu Santo.

Mateo 9:24

Sinabihan niya sinda, “Ruluwas kamo gabos. Bakong gadan an aki kundi natotorog sana!” Pinagngirisihan siya kan mga tawo.

Lukas 24:11

Alagad naghona an mga apostol na bakong totoo an ibinareta kan mga babae, kaya dai sinda nagtubod.

Lukas 9:42

Kan nagdodolok na an aki ki Jesus, ilinampog siya kan demonyo sa daga saka pinakimig-kimig. Tinuyaw ni Jesus an maraot na espiritu, binolong an aki saka ibinalik sa saiyang ama.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.