Genesis 18:6 - Marahay na Bareta Biblia

⁶ Dali-daling naglaog si Abraham sa tolda asin sinabihan si Sara, “Dali, kuaha an pinakamarahay mong arina asin gumibo ka nin dakul na tinapay.”

Genesis 18:6 ပူးပေါင်းရင်းမြစ်များ

Genesis 18:5

Dadarahan ko kamo nin dikit na kakanon tanganing magbalik an saindong kosog. Pakatapos kaiyan pwede na kamong magpadagos sa saindong paglakaw. Inonra nindo ako sa paghapit sa sakong harong, kaya tugoteng paglingkodan ko kamo.” “Ika an bahala,” an simbag ninda.

Genesis 18:7

Dangan nagdalagan siya pasiring sa mga baka asin nagpili nin sarong matabang ogbon na baka dangan itinao niya ini sa saiyang oripon na naghidali sa pagluto kaini.

Genesis 19:3

Alagad pinirit sinda ni Lot kaya uminiba na sana sinda saiya asin nagdagos sa saiyang harong. Pinagbotan ni Lot an saiyang oripon na magluto nin tinapay asin mag-andam nin pagkakan para sa mga bisita. Kan andam na, nagkarakan sinda.

2 Samuel 13:6

Kaya naghigda si Amnon asin nagsagin-sagin na may helang. Kan nagduman si Hadeng David tanganing komustahon siya, nagsabi si Amnon, “Tugoteng magdigdi an tugang kong si Tamar asin magluto nin nagkapirang tinapay sa atubang ko, saka magpakakan sako.”

Salmo 119:60

Naghihidali ako asin dai nag-aabala sa pag-otob kan saimong mga kabotan.

Isaias 32:8

Alagad an iginagalang na tawo minagibo nin matanos asin pusog na ipinakikilaban an mga bagay na matanos.

Mateo 13:33

Nag-istorya pa si Jesus nin saro pang parabola, “An Kahadean nin langit garo lebadurang isinalak nin sarong babae sa tolong litro nin arina sagkod na nag-usbog an bilog na minasa.”

Mga Gibo 16:15

Nagpabunyag siya saka an saiyang pamilya. Pakatapos, inalok niya kami, “Kun ako minimidbid nindong tunay na paratubod sa Kagurangnan, duman na kamo sa harong magdagos.” Dai mi siya nasayumahan.

Roma 12:13

Tabangan nindo an mga banal sa saindang mga pangangaipo; padagoson nindo sa harong an mga taga ibang lugar.

Galacia 5:13

Mga tugang, inapod kamo na magin talingkas. Alagad dai nindo gibohon iyan na dahelan na magpadaog kamo sa mga kamawotan kan laman. Kundi magpatarabang-tabang kamo dahel sa pagkamoot.

Hebreyo 13:2

Padagoson nindo sa saindong harong an mga dayuhan, huli ta an ibang naggibo kaiyan, nakapadagos nin mga anghel na dai ninda aram.

1 Pedro 4:9

Maogmang padagoson nindo sa saindong harong an saindong kapwa.

Hukom 6:19

Kaya nagpuli si Gideon sa saiyang harong asin nagluto nin sarong ogbon pang kanding. Nagkua siya nin sampolong kilong arina asin ginibo niyang tinapay na mayong lebadura. Pakatapos, ilinaog niya sa basket an linutong karne asin ibinugtak an sabaw sa koron dangan dinara idto sa anghel nin Kagurangnan na naghahalat sa poon kan kahoy na hamurawon, saka itinao idto.

1 Samuel 28:24

Hidaling binuno kan babae an pinataba niyang baka, asin nagkua nin arina, minasa idto dangan naggibo nin tinapay na mayo nin lebadura.