Genesis 18:32 - Marahay na Bareta Biblia

³² Giraray nagpadagos si Abraham, “Dai ka logod maanggot sako, Kagurangnan, huli ta ini na sana an sasabihon ko. Halimbawa sampolo sana nanggad an makua?” Nagsimbag an Kagurangnan, “Dai ko raraoton an syudad kun may makua akong sampolo.”

Genesis 18:32 ပူးပေါင်းရင်းမြစ်များ

Genesis 18:30

“Dai ka man logod maanggot sako, Kagurangnan, huli ta mahapot pa ako. Halimbawa treynta sana an idtoon?” an hapot ni Abraham. “Dai ko tutunawon iyan kun makakua ako nin treynta,” an simbag nin Kagurangnan.

Genesis 18:31

Nagsabi si Abraham, “Patawada ako kun ako nangahas na magparapakiolay saimo, Kagurangnan, alagad paano kun beynte sana an makua?” Nagsimbag an Kagurangnan, “Dai ko raraoton an syudad kun makakua ako nin beynte.”

Genesis 44:18

Nagdolok si Juda ki Jose asin nagsabi, “Kagurangnan, tugote akong magpaliwanag; dai ka maanggot sako huli ta garong ika man sana an hade.

An Libro ni Job 33:23

“Tibaad may magdatong na anghel sa pagsurog saiya— saro sa rinibong anghel nin Dios, na nagpapagiromdom sa tawo kan saindang katongdan.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Isaias 65:8

Nagsasabi an Kagurangnan, “Mayo nin siisay man na minaraot kan marahay na mga ubas; embes kaiyan minagibo sinda nin arak hale sa duga kaiyan. Dai ko man gagadanon an gabos na kabilang sa sakong banwaan—itatada ko idtong mga naglilingkod sako.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Mateo 7:7

“Maghagad kamo asin tatawan kamo; maghanap asin makukua nindo; tumuktok asin bubuksan kamo.

Efeso 3:20

Sa Dios, na sa paagi kan saiyang kapangyarihan na naghahade sato nakakagibo kan gabos na bagay labi pa sa satong hinahagad o iniisip,

Hukom 6:39

Dangan nagsabi si Gideon sa Dios, “Dai ka maanggot sako; tugotan mo akong maghagad pa nin tanda sa paagi kaining barahibo. Gibohang magin mamara ini asin an daga an magin dumog sa ambon.”