Genesis 18:30 - Marahay na Bareta Biblia

³⁰ “Dai ka man logod maanggot sako, Kagurangnan, huli ta mahapot pa ako. Halimbawa treynta sana an idtoon?” an hapot ni Abraham. “Dai ko tutunawon iyan kun makakua ako nin treynta,” an simbag nin Kagurangnan.

Genesis 18:30 ပူးပေါင်းရင်းမြစ်များ

Genesis 18:29

Nagpadagos pa si Abraham, “Kun igwa sanang kwarenta?” “Huli sa kwarenta, dai ko tutunawon an syudad,” an simbag nin Kagurangnan.

Genesis 18:31

Nagsabi si Abraham, “Patawada ako kun ako nangahas na magparapakiolay saimo, Kagurangnan, alagad paano kun beynte sana an makua?” Nagsimbag an Kagurangnan, “Dai ko raraoton an syudad kun makakua ako nin beynte.”

Genesis 44:18

Nagdolok si Juda ki Jose asin nagsabi, “Kagurangnan, tugote akong magpaliwanag; dai ka maanggot sako huli ta garong ika man sana an hade.

An Libro ni Job 40:4

“Nagtaram ako siring sa sarong lolong, Kagurangnan; ano an ikakasimbag ko saimo? Dai na ako mataram nin ano pa man.

Salmo 10:17

Dadangogon mo, Kagurangnan, an mga pamibi nin mga mahuyo; tatawan mo sinda nin kosog nin boot.

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Hukom 6:39

Dangan nagsabi si Gideon sa Dios, “Dai ka maanggot sako; tugotan mo akong maghagad pa nin tanda sa paagi kaining barahibo. Gibohang magin mamara ini asin an daga an magin dumog sa ambon.”