Genesis 18:26 - Marahay na Bareta Biblia

²⁶ “Kun makakua ako nin singkwentang matanos na tawo sa Sodoma, papatawadon ko an syudad huli sa sainda,” an simbag nin Kagurangnan.

Genesis 18:26 ပူးပေါင်းရင်းမြစ်များ

Genesis 18:17

Nagsaboot an Kagurangnan, “Dai ko dapat pagtagoon ki Abraham an gigibohon ko,

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 19:24

Pag-abot kan panahon na iyan, makakapantay an Israel sa Egipto saka sa Asiria, asin an tolong nasyon na ini magigin sarong bendisyon sa bilog na kinaban.

Isaias 6:13

Maski mawalat an saro sa sampolo katawo, magagadan man siya; makakaarog siya sa pungo kan pinulak na hamurawon.” (An pungo iyo an tanda kan bagong kapinonan para sa banwaan nin Dios.)

Isaias 65:8

Nagsasabi an Kagurangnan, “Mayo nin siisay man na minaraot kan marahay na mga ubas; embes kaiyan minagibo sinda nin arak hale sa duga kaiyan. Dai ko man gagadanon an gabos na kabilang sa sakong banwaan—itatada ko idtong mga naglilingkod sako.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Ezekiel 22:30

Naghanap ako nin saro man lamang na lalaki sa sainda na makakatugdok nin kudal, na makakatindog sa kabtang kan kudal na narumpag tanganing bantayan an daga kun madali ko nang tunawon iyan kan sakong kaanggotan, alagad mayo akong nakua.

Mateo 24:22

Kun dai ininaan nin Dios an mga aldaw na iyan, mayo nin makakaligtas; alagad iinaan iyan dahel sa mga tawong pinili niya.