Genesis 18:20 - Marahay na Bareta Biblia

²⁰ Dangan tinaraman nin Kagurangnan si Abraham, “Dakul nang marahay an sumbong laban sa Sodoma saka Gomorra asin grabe na an kasalan ninda.

Genesis 18:20 ပူးပေါင်းရင်းမြစ်များ

Genesis 13:13

An nag-eerok sa Sodoma mga maraot na tawo asin mga parakasala sa Kagurangnan.

Genesis 19:13

huli ta tutunawon mi an lugar na ini. Nadangog nin Kagurangnan an gabos na sumbong laban sa mga nag-eerok sa Sodoma asin sinugo niya kami tanganing tunawon ini.”

Genesis 19:4

Kan makatorog na sinda, pinalibotan an harong ni Lot kan kalalakihan nin Sodoma. Idtoon duman an gabos na lalaki, aki asin gurang.

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Genesis 6:12

Nahiling nin Dios na an daga pano nin karatan huli sa maraot na pamumuhay kan mga tawo.

Isaias 3:9

An saindang pagpapalaen an masaksi laban sainda; ipinapahayag ninda an saindang kasalan siring sa Sodoma, dai ninda itinatago iyan. Herak man sainda! Huli ta sinda man sana an nagdara nin kapahamakan sa sainda.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 14:7

Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Ezekiel 16:46

“An matua mong tugang na babae, kaiba an saiyang mga baryo, iyo an Samaria, sa amihan. An ngohod mong tugang na babae, kaiba an saiyang mga baryo, iyo an Sodoma, sa habagat.

Joel 3:13

Dakula an saindang karatan; putola sinda arog sa mga poon nin trigo kun tig-ani; ronota sinda arog kan pagronot sa ubas sa sarong pano nang pugaan nin ubas, sagkod na magsupay an arak.”

Jonas 1:2

Nagsabi siya, “Magduman ka sa Nineve, idtong dakulang syudad, asin magtaram ka laban sa syudad, huli ta aram ko kun gurano karaot an mga namamanwaan duman.”

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.