Genesis 18:19 - Marahay na Bareta Biblia

¹⁹ Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 18:19 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Genesis 17:9

Nagtaram pa an Dios ki Abraham, “Kaipuhan otobon mo man an pakipagtipan mo sa sako, ika asin an saimong mga kapagarakian sa maabot na henerasyon.

Genesis 22:18

asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.”

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

2 Samuel 22:22

Kinuyog ko an mga togon nin Kagurangnan; an sakuyang Dios dai ko tinalikodan.

2 Samuel 7:20

Ano pa an masasabi ko sa saimo? Midbid mo ako, na saimong sorogoon, O Kagurangnan Dios!

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 14:3

Hinale niya an dayuhan na mga altar asin paganong mga lugar na pagsasambahan, rinumpag an mga harigi saka mga simbolo kan diosang si Asera.

Nehemias 9:7

Ika, Kagurangnan Dios, an nagpili ki Abram asin nagkua saiya hale sa Ur sa Babilonia; rinibayan mo an saiyang ngaran nin Abraham.

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 11:4

An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

Salmo 34:15

Binabantayan nin Kagurangnan an mga matanos asin dinadangog niya an saindang inagrangay;

Mga Talinhaga 22:6

Tukdoan mo an aki kun paano siya mamuhay, asin dai niya iyan malilingawan sa bilog niyang buhay.

Isaias 38:19

An nabubuhay iyo an nag-oomaw saimo, siring na inoomaw taka ngunyan. An mga ama an nag-oosip sa saindang kaakian kun gurano ka kaimbod.

Levitico 14:42

Dangan riribayan ninda nin ibang gapo an mga gapong hinarale, asin papalitadahon giraray ninda an mga lanob na kinarosan.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Mateo 25:17

Siring man an nag-ako nin dos mil pesos; nakaganansya man nin dos mil pesos.

Juan 10:14

Ako an marahay na pastor. Midbid ako kan Ama asin midbid ko an Ama; siring man, midbid ko an sakong mga karnero asin midbid ninda ako. Idinudusay ko an sakong buhay para sa mga karnero.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Mga Gibo 27:31

Alagad sinabihan ni Pablo an opisyal saka an mga soldados, “Kun an mga marinero humale sa sakayan, dai kamo makakaligtas.”

Efeso 6:4

Mga magurang, dai nindo pagpaanggoton an saindong mga aki, kundi padakulaon nindo sa Cristianong disiplina asin katukdoan.

Deuteronomio 32:46

nagsabi siya sainda, “Kuyogon nindo ining mga pagboot na itinatao ko saindo ngunyan na aldaw. Itukdo nindo ini sa saindong mga aki tanganing maotob ninda an gabos na katukdoan nin Dios.

1 Timoteo 3:12

An mga diakono dapat saro sana an agom, saka marahay magpasunod sa saiyang mga aki, asin marahay magpadalagan kan saiyang pamilya.

2 Timoteo 1:5

Nagigiromdoman ko an tunay mong pagtubod, siring kan pagtubod kan saimong lola na si Loida asin kan saimong ina na si Eunice. Naniniwala ako na igwa ka man kan siring na pagtubod.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Hukom 13:12

Nagsabi si Manoa, “Kun mangyari an sinabi mo, paano mamumuhay an aki? Ano an gigibohon niya?”