Genesis 17:8 - Marahay na Bareta Biblia

⁸ Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Genesis 17:8 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 13:15

huli ta an gabos na daga na nahihiling mo itatao ko sa saimo asin sa mga kapagarakian mo sagkod lamang.

Genesis 13:17

Lakaw asin hilinga an bilog na daga ta itatao ko gabos iyan saimo.”

Genesis 23:4

“Dayuhan ako digdi na nakikihimanwa sa saindo; pabakalan nindo ako nin daga tanganing ikalubong ko an sakong agom.”

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 28:4

Itao logod saimo asin sa saimong mga kapagarakian an bendisyon ni Abraham tanganing masadirihan mo ining daga na pinag-eerokan mo, na itinao nin Dios ki Abraham.”

Genesis 35:27

Dinalaw ni Jacob si Isaac na saiyang ama duman sa Mamre, harani sa Hebron, saen nakihimanwa si Abraham asin si Isaac.

Genesis 36:7

Naghale siya huli ta an daga dai na nagkanigo sa saindang magtugang; dakul nang marahay an saindang mga hayop kaya dai na sinda pwedeng mag-erok sa parehong lugar.

Genesis 37:1

Padagos na nag-erok si Jacob sa Canaan, an daga na pinag-erokan kan saiyang ama.

Genesis 48:4

Sinabihan niya akong, ‘Tatawan taka nin dakul na aki tanganing magin dakul na nasyon an saimong mga kapagarakian; itatao ko sa sainda an dagang ini bilang sadiri ninda sagkod pa man.’”

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

1 Mga Cronica 16:18

Nagtaram siya, “Itatao ko saimo an daga nin Canaan, bilang sadiri mong kahirasan.”

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Salmo 105:11

Nagtaram siya, “Itatao ko saimo an daga nin Canaan, bilang sadiri mong kahirasan.”

Salmo 105:9

tipan na ginibo niya ki Abraham, panuga na isinumpa niya ki Isaac,

Exodo 13:11

“Dadarahon kamo nin Kagurangnan sa daga kan mga Cananeo na ipinanuga niya saindo asin sa saindong mga ginikanan. Kun itao na niya iyan saindo,

Exodo 21:6

kun siring, dadarahon siya kan saiyang kagurangnan sa lugar na pinagsasambahan asin papatindogon siya sa may pinto o sa may hamba kan pintoan, dangan lalabotan an saiyang talinga asin magigin oripon siya kan saiyang kagurangnan sagkod na buhay siya.

Exodo 29:45

Mag-eerok ako sa kaibahan kan banwaan nin Israel, asin ako an magigin Dios ninda.

Exodo 32:13

Giromdoma si Abraham, si Isaac asin si Jacob, an saimong mga sorogoon na pinanugaan mo saka sinabihan na ‘Papadakulon ko an saimong kapagarakian siring sa mga bitoon sa langit; itatao ko sa saimong kapagarakian an dagang ini na ipinanuga ko, asin mapapasainda ini sagkod lamang.’”

Exodo 40:15

dangan lahidan mo nin lana, arog kan ginibo mo sa saindang ama, tanganing maglingkod sinda sako bilang mga padi. An banal na paglahid na ini iyo an makonsagra sainda sa daing kataposan na pagpadi sa gabos na henerasyon.”

Exodo 6:4

Nakipagtipan man ako sa sainda, nanuga na itatao sainda an Canaan, an dagang pinag-erokan ninda kaidto bilang mga dayuhan.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 31:1

Nagtataram an Kagurangnan, “Maabot an panahon na ako an magigin Dios kan gabos na tribu sa Israel, asin sinda an magigin banwaan ko.

Ezekiel 11:20

Dangan maglalakaw sinda sosog sa sakong mga pagboot asin kukuyogon ninda an sakong mga togon. Sinda an magigin banwaan ko asin ako an magigin Dios ninda.

Ezekiel 33:24

“Aki nin tawo, an mga nag-eerok sa mga rumpag na syudad kan daga nin Israel nagsasarabi: ‘Saro sana si Abraham alagad itinao saiya an bilog na daga. Ngunyan mas dakul na kita, kaya satuya na an daga.’

Levitico 14:34

an minasunod na pagsusundon manongod sa mga harong na naolakitan kan naglalakop na alamag. (An mga ini susunodon kan banwaan nin Israel pakalaog ninda sa Canaan, an daga na itatao sainda nin Kagurangnan bilang saindang pagsadiri).

Levitico 16:34

An mga pagsusundon na ini kaipuhan na kuyogon sa gabos na panahon. Gigibohon an seremonyang ini sarong beses sa taon tanganing malinigan an mga Israelita kan saindang mga kasalan. Ginibo ni Moises an ipinagboot nin Kagurangnan.

Levitico 26:12

Iibahan ko kamo; ako an saindong magigin Dios asin kamo an magigin banwaan ko.

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Mga Bilang 10:29

Sinabihan ni Moises an saiyang bayaw na si Hobab na aki kan panugangan niyang si Jetro na Midianita, “Maduman na kami sa lugar na ipinanugang itatao samo nin Kagurangnan. Nanuga siya na tatawan nin mauswag na pamumuhay an Israel kaya umiba ka samo asin hihirasan mi ika kan biyayang samong makakamtan.”

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Mga Bilang 27:12

Nagtaram an Kagurangnan ki Moises, “Tumukad ka sa Bukid nin Abarim asin tanawon mo an daga na itatao ko sa mga Israelita.

Mga Gibo 7:5

Dai tinawan nin Dios si Abraham nin kahirasan sa dagang ini, maski sarong metro kwadrado, alagad nanuga na itatao ini saiya asin sa kapagarakian niya maski mayo pa siya nin aki.

Deuteronomio 14:2

Huli ta kamo sarong banwaan na banal para sa Kagurangnan na saindong Dios, asin pinili niya kamo na magin sadiring banwaan hale sa gabos na banwaan sa bilog na daga.

Deuteronomio 26:18

Ngunyan na aldaw inako kamo nin Kagurangnan bilang saiyang sadiring banwaan siring sa saiyang ipinanuga saindo. Ipinagboboot niya na kuyogon nindo an gabos niyang togon,

Deuteronomio 29:13

tanganing midbidon kamo nin Kagurangnan bilang saiyang sadiring banwaan, asin siya an saindong magin Dios, siring sa ipinanuga niya saindo saka sa saindong mga ginikanan na si Abraham, si Isaac, asin si Jacob.

Deuteronomio 32:49

“Magduman ka sa kabukidan nin Abarim, sa daga nin Moab na kahampang kan syudad nin Jerico. Magtukad ka sa Bukid nin Nebo dangan tanawon mo an daga nin Canaan na itatao ko sa banwaan nin Israel.

Deuteronomio 32:8

An Kahorohalangkawe an nagtao sa mga nasyon kan saindang daga. Kan siriblagon niya an mga banwaan, asin bugtakan nin kasagkoran an mga daga, linaen na niya an mga aki ni Israel.

Deuteronomio 34:4

Dangan nagtaram an Kagurangnan ki Moises, “Iyo iyan an daga na sakong ipinanuga ki Abraham, ki Isaac asin ki Jacob na itatao sa saindang mga kapagarakian. Ipinapahiling ko iyan saimo, alagad dai taka tutugotan na makaabot duman.”

Deuteronomio 4:37

Pinili niya kamo huli ta namotan niya an saindong mga ginikanan; huli kan saiyang dakulang kapangyarihan, ilinuwas niya kamo hale sa Egipto.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

Hebreyo 9:15

Kaya si Cristo iyo an tagapagultanan nin bagong tipan, tanganing an mga inapod nin Dios mag-ako nin mayong kataposan na pamana na ipinanuga nin Dios. Nangyayari ini huli kan pagkagadan ni Cristo na nagtubos sa mga tawo kan mga kasalan na naginibo ninda sa irarom kan enot na tipan.

Josue 1:2

“An sorogoon kong si Moises gadan na. Kaya mag-andam na kamo, ika asin an gabos na Israelita, dangan balyohon nindo an Salog nin Jordan pasiring sa daga na itinatao ko sa banwaan nin Israel.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.