Genesis 17:5 - Marahay na Bareta Biblia

⁵ Poon ngunyan, bako nang Abram an saimong ngaran kundi Abraham huli ta gigibohon takang ama nin dakul na nasyon.

Genesis 17:5 ပူးပေါင်းရင်းမြစ်များ

Genesis 17:15

Nagtaram an Dios ki Abraham, “Dai mo na pag-apodon Sarai an saimong agom; poon ngunyan, Sara an magigin ngaran niya.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 32:29

Nagsabi si Jacob, “Sabihan man sako an ngaran mo.” Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.

Genesis 35:10

asin tinaraman, “Jacob an ngaran mo, alagad poon ngunyan aapodon ka nang Israel.” Kaya nagin Israel an saiyang ngaran.

2 Samuel 12:25

asin sinugo an propetang si Natan na ngaranan an aki nin Jedidias, huli ta namotan nin Kagurangnan an aki.

1 Mga Cronica 1:27

asin Abram (na midbid man sa ngaran na Abraham).

Nehemias 9:7

Ika, Kagurangnan Dios, an nagpili ki Abram asin nagkua saiya hale sa Ur sa Babilonia; rinibayan mo an saiyang ngaran nin Abraham.

Isaias 65:15

An saindong ngaran gagamiton kan sakong piniling banwaan bilang maldisyon. Ako, an Kagurangnan Dios, an magadan saindo. Alagad tatawan ko nin bagong ngaran an mga nagkukuyog sako.

Jeremias 20:3

Pagkaaga, kan halean na ako ni Pasur kan kadena, sinabihan ko siya, “Bakong Pasur an inginaran saimo kan Kagurangnan, kundi ‘Takot sa Gabos na Lugar.’

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Mga Bilang 13:16

Sinda an mga espiya na ipinadara ni Moises tanganing magsiyasat kan daga. An ngaran ni Oseas na aki ni Nun rinibayan niya nin Josue.

Juan 1:42

Ipinag-iba ni Andres si Simon ki Jesus. Kan mahiling ni Jesus si Simon, sinabihan niya ini, “Ika si Simon na aki ni Juan. Ngangaranan kang Cefas.” (An ngaran na ini pareho kan ngaran na Pedro na an kahulogan, “gapo.”)

Roma 4:17

siring sa nasusurat, “Ginibo takang ama nin dakul na nasyon.” Kun siring, marahay an panuga huli ta hale iyan sa Dios na pinagtutubod ni Abraham—siya an Dios na nagbubuhay liwat sa mga gadan asin nagboboot na mabuhay an mga dai pa lamang nabuhay.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.