Genesis 17:23 - Marahay na Bareta Biblia

²³ Kan aldaw na idto, kinuyog ni Abraham an Dios; sinerkomsisyon niya an aki niyang si Ismael asin an gabos na lalaki sa laog kan saiyang harong sagkod an mga lalaking oripon na namundag sa saiyang harong saka an mga oripon na binakal niya.

Genesis 17:23 ပူးပေါင်းရင်းမြစ်များ

Genesis 14:14

Kan madangog ni Abram na binihag si Lot, inapod niya an gabos niyang tawohan sa kampo, mga tres syentos dyes y otso gabos, asin linamag ninda an apat na hade sagkod sa Dan.

Genesis 17:9

Nagtaram pa an Dios ki Abraham, “Kaipuhan otobon mo man an pakipagtipan mo sa sako, ika asin an saimong mga kapagarakian sa maabot na henerasyon.

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 34:24

Nag-oyon an gabos na kalalakihan kan syudad sa sinabi ni Hamor asin ni Shekem, kaya nagpasirkomsisyon sinda gabos.

Salmo 119:60

Naghihidali ako asin dai nag-aabala sa pag-otob kan saimong mga kabotan.

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Mga Gibo 16:3

Boot ni Pablo na ipag-iba si Timoteo, kaya ipinaserkomsisyon niya ini. Ginibo niya ini huli sa mga Judio na nag-eerok sa mga lugar na idto na nakakaaram na Griyego an ama ni Timoteo.

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

Galacia 6:15

Mayo nin kalaenan kun an sarong tawo pagkaniserkomsisyonado man o bako; an mahalaga iyo an pagigin bagong linalang.