Genesis 17:18 - Marahay na Bareta Biblia

¹⁸ Kaya hinapot niya an Dios, “Tano ta bakong si Ismael na sana an sakong magin eredero?”

Genesis 17:18 ပူးပေါင်းရင်းမြစ်များ

Genesis 17:17

Nagdapa si Abraham sa daga, alagad napangisi siya kan saiyang isaboot, “Pwede pa daw magkaaki an sarong arog sakong sanggatos na an edad? Pwede pa daw mag-aki si Sara sa edad na nubenta?”

Genesis 17:19

Alagad nagsimbag an Dios, “Dai. Mangangaki nin lalaki si Sara na saimong agom asin ngangaranan mo siyang Isaac. Makikipagtipan ako saiya asin sa saiyang mga kapagarakian sagkod pa man. An tipan na iyan sarong daing kataposan na tipan.

Genesis 21:11

Napurisaw nin marahay si Abraham huli ta aki man niya si Ismael.

Genesis 4:12

Kun magtanom ka, mayo kang aanihon; ika magigin sarong paradulag asin sarong lagalag sa kinaban.”

Genesis 4:14

Pinapahale mo na ako sa dagang ini asin sa atubang mo. Magigin paradulag pa ako asin lagalag sa kinaban; gagadanon ako kan siisay man na makanumpong sako.”

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Salmo 41:12

Tinatabangan mo ako, huli ta ginigibo ko an matanos; pinapadanay sa saimong atubang sagkod lamang.

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Mga Gibo 2:39

Huli ta para saindo an panugang ini nin Dios, saka sa mga aki nindo asin para sa mga nasa harayo—sa gabos na inaapod kan Kagurangnan tang Dios.”