Genesis 17:11 - Marahay na Bareta Biblia

^11-12 Magpoon ngunyan, kaipuhan serkomsisyonon mo an lambang aking lalaki pag-edad kaini nin walong aldaw, sagkod an mga oripon na namundag sa saindong mga harong asin an mga oripon na binakal nindo sa mga dayuhan. Ini an magigin tanda kan satong tipan.

Genesis 17:11 ပူးပေါင်းရင်းမြစ်များ

Genesis 9:12

Bilang tanda kaining daing kataposan na tipan na sakong ginigibo saindo asin sa gabos na may buhay,

2 Samuel 3:14

Nagpadara man nin sugo si David ki Isboset tanganing magsabing, “Balikan sako an agom kong si Mical. Nagbayad akong sanggatos na kublit kan mga kinabuhay kan lalaking mga Filisteo tanganing maagom ko siya.”

Exodo 12:48

Mayo nin siisay man na bakong serkomsisyonado an pwedeng kumakan kan Kordero Pangpaskwa. Kun an sarong dayuhan na nakikihimanwa saindo boot magselebrar kan Paskwa tanganing mag-omaw sa Kagurangnan, kaipuhan serkomsisyonon ngona nindo siya asin an gabos na lalaki sa saiyang harong. Dangan mimidbidon na siya siring sa sarong tunay na Israelita asin pwede na siyang makisumaro sa pagselebrar kan Paskwa.

Exodo 4:25

Kaya si Zippora, na agom ni Moises, kuminua nin matarom na gapo asin sinerkomsisyon an saiyang aki, dangan idinuta niya an naputol na laman sa bitis ni Moises. Nagsabi si Zippora ki Moises, “Ngunyan ikinasal ka sako huli sa dugo.” Kaya dai ginadan nin Kagurangnan si Moises huli kan ginibong pagserkomsisyon.

Mga Gibo 7:8

Dangan itinao nin Dios ki Abraham an serkomsisyon bilang tanda kan tipan. Kaya sinerkomsisyon ni Abraham si Isaac sa ikawalong aldaw pakamundag kaini; siring man an ginibo ni Isaac sa aki niyang si Jacob. Ginibo man iyan ni Jacob sa doseng patriarka.

Roma 4:11

An pagkaniserkomsisyonado niya tanda na inako siya nin Dios na matanos huli kan pagtubod niya bago pa siya sinerkomsisyon. An katuyohan iyo na siya an magigin ama kan gabos na nagtutubod sa Dios na inaako nin Dios na matanos, maski dai sinda sinerkomsisyon.

Deuteronomio 10:16

Kaya poon ngunyan, magkuyog na kamo sa Kagurangnan asin dai na nindo pagpatagason an saindong payo.

Josue 5:3

Sinunod ni Josue an ipinagboot nin Kagurangnan. Sinerkomsisyon niya an mga Israelita duman sa Gibeat-haaralot.