Genesis 17:10 - Marahay na Bareta Biblia

¹⁰ Ini an sakong tipan na ootobon mo asin kan saimong mga kapagarakian: kaipuhan na serkomsisyonon an gabos na lalaki sa saindo.

Genesis 17:10 ပူးပေါင်းရင်းမြစ်များ

Genesis 17:11

Magpoon ngunyan, kaipuhan serkomsisyonon mo an lambang aking lalaki pag-edad kaini nin walong aldaw, sagkod an mga oripon na namundag sa saindong mga harong asin an mga oripon na binakal nindo sa mga dayuhan. Ini an magigin tanda kan satong tipan.

Genesis 17:23

Kan aldaw na idto, kinuyog ni Abraham an Dios; sinerkomsisyon niya an aki niyang si Ismael asin an gabos na lalaki sa laog kan saiyang harong sagkod an mga lalaking oripon na namundag sa saiyang harong saka an mga oripon na binakal niya.

Genesis 17:27

kaiba kan gabos na lalaking oripon ni Abraham.

Genesis 21:4

asin kan walong aldaw na an aki, sinerkomsisyon siya ni Abraham sosog sa pagboot nin Dios.

Genesis 34:15

Matugot sana kami sa kondisyon na magpasirkomsisyon kamo arog samo, asin magpasirkomsisyon man an gabos na lalaki saindo.

Genesis 34:22

Alagad maerok sana sinda digdi asin magigin kahimanwa nyato, kun an gabos na lalaki digdi sato magpasirkomsisyon arog sainda.

Exodo 12:48

Mayo nin siisay man na bakong serkomsisyonado an pwedeng kumakan kan Kordero Pangpaskwa. Kun an sarong dayuhan na nakikihimanwa saindo boot magselebrar kan Paskwa tanganing mag-omaw sa Kagurangnan, kaipuhan serkomsisyonon ngona nindo siya asin an gabos na lalaki sa saiyang harong. Dangan mimidbidon na siya siring sa sarong tunay na Israelita asin pwede na siyang makisumaro sa pagselebrar kan Paskwa.

Exodo 4:25

Kaya si Zippora, na agom ni Moises, kuminua nin matarom na gapo asin sinerkomsisyon an saiyang aki, dangan idinuta niya an naputol na laman sa bitis ni Moises. Nagsabi si Zippora ki Moises, “Ngunyan ikinasal ka sako huli sa dugo.” Kaya dai ginadan nin Kagurangnan si Moises huli kan ginibong pagserkomsisyon.

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Juan 7:22

“Huli ta ipinagboot saindo ni Moises na serkomsisyonon an saindong mga aki (bako ngani siya an nagpoon kaiyan kundi an saindong mga ginikanan), ginigibo nindo iyan maski sa aldaw na Sabbath.

Mga Gibo 7:8

Dangan itinao nin Dios ki Abraham an serkomsisyon bilang tanda kan tipan. Kaya sinerkomsisyon ni Abraham si Isaac sa ikawalong aldaw pakamundag kaini; siring man an ginibo ni Isaac sa aki niyang si Jacob. Ginibo man iyan ni Jacob sa doseng patriarka.

Roma 2:28

An pagigin tunay na Judio nin sarong tawo bakong huli ta igwa siya nin tanda sa hawak; dai siya nagigin tunay na serkomsisyonado huli ta sinerkomsisyon siya sa laman.

Roma 3:25

Idinolot nin Dios si Jesu-Cristo, na sa pagpabulos niya kan saiyang dugo, siya an nagin dalan sa kapatawadan nin mga kasalan kan mga nagtutubod saiya. Ginibo ini nin Dios sa pagpahiling na siya matanos. Kaidto, matinios siya asin pinagpasipara niya an mga kasalan kan mga tawo. Alagad ngunyan, huhukoman niya an saindang mga kasalan tanganing ipamidbid an saiyang katanosan. Sa paaging ini mahihiling na siya matanos asin na pinapangagin niyang matanos sa saiya an mga tawong nagtutubod ki Jesu-Cristo.

Roma 3:28

Kaya an tawo pinapangagin matanos nin Dios sa saiya sa paagi nin pagtubod, bakong huli sa pagkuyog kan Katogonan.

Roma 3:30

Saro sana an Dios; gigibohon niyang magin matanos sa saiya an mga Judio huli sa pagtubod ninda, siring man an mga pagano.

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.

Galacia 6:12

An mga tawo na namimirit na magpaserkomsisyon kamo boot maghambog dapit sa mga bagay na nahihiling. Ginigibo ninda iyan, tangani sanang dai sinda pagpasakitan dahel sa krus ni Cristo.

Efeso 2:11

Kamong mga pagano, giromdomon nindo kun ano kamo kaidto, bakong pagkaniserkomsisyonado an apod saindo kan mga Judio huli ta sinda sirkomsisyonado (manongod ini sa ginigibo kan mga lalaki sa saindang hawak).

Deuteronomio 10:16

Kaya poon ngunyan, magkuyog na kamo sa Kagurangnan asin dai na nindo pagpatagason an saindong payo.

Deuteronomio 30:6

Babagohon nin Kagurangnan an saindong puso asin an puso kan saindong mga kapagarakian tanganing mamotan nindo siya sa bilog nindong puso, tanganing padagos kamong mabuhay.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

Josue 5:2

Tinaraman nin Kagurangnan si Josue, “Gumibo ka nin mga kutsilyong gapo asin sirkomsisyon mo an mga Israelita.”

Josue 5:4

Kan maghale sa Egipto an mga Israelita, an gabos na lalaki sinerkomsisyon na. Alagad sa laog kan kwarentang taon na paglakaw sa kalangtadan kan mga tawo, mayo nin sinerkomsisyon sa namundag na aking lalaki. Siring man, kan matapos na an panahon na iyan, nagkagaradan an gabos na lalaking paralaban na naghale sa Egipto, huli ta sinuhay ninda an Kagurangnan. Siring sa isinumpa nin Kagurangnan, dai sinda tinugotan na makahiling kan daga na mayaman sa gabos na bagay, daga na ipinanuga niya sa saindang mga ginikanan.