Genesis 16:6 - Marahay na Bareta Biblia

⁶ Nagsimbag si Abram, “Sakop mo an saimong oripon; giboha saiya an gusto mo.” Dangan pinasakitan ni Sarai an saiyang oripon kaya nagdulag ini.

Genesis 16:6 ပူးပေါင်းရင်းမြစ်များ

Genesis 16:9

“Bumalik ka,” an sabi kan anghel, “asin paglingkodan mo siya.”

Genesis 24:10

Nagkua an sorogoon nin sampolong kamelyo kan saiyang kagurangnan asin kinargahan nin manlaen-laen na mamahalon na regalo dangan naglakaw na siya pasiring sa Mesopotamia, sa syudad na pinag-eerokan ni Nahor.

An Libro ni Job 2:6

Kaya sinabihan nin Kagurangnan si Satanas, “Ibinubugtak ko siya sa saimong kapangyarihan, alagad dai mo siya paggadanon.”

Exodo 2:15

Kan maaraman kan hade an nangyari, naghingowa siyang gadanon si Moises, alagad nagdulag ini pasiring sa Midian tanganing duman na mag-erok. Kan nagtutukaw si Moises sa may bubon, uminabot an pitong aking daraga ni Jetro na padi kan Midian, tanganing magharok nin tubig para sa mga raraan kan mga karnero asin kanding kan saindang ama.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Talinhaga 27:8

An tawong harayo sa saiyang harong arog sa gamgam na harayo sa saiyang salagan.

Mga Talinhaga 29:19

Dai mo pagdisiplinahon an saimong sorogoon sa paagi nin tataramon, huli ta maski masabotan niya iyan, dai niya iyan ootobon.

Parahulit 10:4

Kun maanggotan ka kan pamayo, dai ka maghale sa saimong katongdan; huli ta an dakulang mga kasalan pwedeng patawadon kun dai ka sana maggirong.

Jeremias 38:5

Nagsimbag si Hadeng Zedekias, “Giboha nindo an gusto nindo saiya; dai ko kamo pwedeng pugolan.”

Josue 9:25

Ngunyan nasa irarom kami kan saindong kapangyarihan; giboha nindo samo an pinaghohona nindong matanos.”

1 Pedro 3:7

Kamo man, mga lalaki, pakarahaya an pakiiba nindo sa saindong mga agom. Galangan nindo sinda huli ta sinda maluya; huli ta kapwa nindo sinda paramana kan biyaya nin buhay. Gibohon nindo ini tanganing daing anoman na makaolang sa saindong mga pamibi.