Genesis 15:9 - Marahay na Bareta Biblia

⁹ Nagsimbag an Kagurangnan, “Darahan mo ako nin sarong baka, sarong kanding asin sarong karnero na anas tolong taon an edad, saka sarong salampati asin sarong agbaan.”

Genesis 15:9 ပူးပေါင်းရင်းမြစ်များ

Genesis 15:10

Dinara ni Abram sa Dios an mga hayop; pakatapos binaraak niya ini gabos, alagad dai niya binaak an mga gamgam. Tinaralay niya sa duwang linya an gabos, an kabaak na nasa sarong linya kahampang kan kabaak na nasa saro man na linya.

Genesis 15:8

Alagad naghapot si Abram, “O Kagurangnan Dios, paano ko maaaraman na mapapasako ini?”

Genesis 22:13

Dangan nangalagkalag si Abraham asin nahiling niya an sarong lalaking karnero na an mga sungay napasabit sa sarong marambong na tinanom. Kinua niya idto asin iyo an inatang embes na an saiyang aki.

Salmo 50:5

Nagtaram siya, “Daraha nindo sako an maimbod kong banwaan, na nakipagtipan sako huli sa pagdolot nin atang.”

Awit nin mga Awit 2:12

nagturunga na sa daga an mga burak. Iyo na ini an panahon nin pag-awit; nadadangog na sa kaomahan an awit kan mga salampati.

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:14

Kun an saiyang idodolot bilang tinutong na atang sarong gamgam, kaipuhan na magdara siya nin agbaan o salampati.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 12:6

Kun tapos na an panahon kan saiyang paglinig, magin iyan para sa saiyang aking lalaki o babae, madara siya sa padi duman sa pintoan kan Tabernakulo nin sarong karnero na sarong taon an edad para sa tinutong na atang, asin sarong salampati o agbaan para sa dolot para sa kasalan.

Levitico 12:8

Kun dai niya kayang magdolot nin sarong karnero, madara siya nin duwang salampati o duwang agbaan, an saro para sa tinutong na atang, asin an saro para sa dolot para sa kasalan; gigibohon kan padi an seremonya sa paghale kan saiyang pagkanimaati dangan siya magigin malinig.

Levitico 14:22

Madara man siya nin duwang salampati o duwang agbaan, an saro para sa dolot para sa kasalan dangan an saro para sa tinutong na atang.

Levitico 14:30

Pakatapos, idodolot niya an saro kan mga salampati o agbaan

Levitico 3:1

Kun igwa saindo nin magdolot nin saro kan saiyang mga lalaki o babaeng baka, bilang dolot para sa katoninongan, dapat na mayo iyan nin kaninan.

Levitico 3:6

Kun karnero o kanding, lalaki man o babae, an idodolot bilang atang para sa katoninongan, kaipuhan mayo iyan nin kaninan.

Levitico 9:2

Sinabihan niya si Aaron, “Kumua ka nin sarong torilyong baka asin sarong lalaking karnero na anas mayo nin kaninan. An torilyong baka idolot mo para sa kasalan, asin an karnero para sa tinutong na atang.

Levitico 9:4

Magdara man sinda nin sarong torong baka asin saro pang karnero bilang dolot para sa katoninongan. Tututongon nindo iyan para sa Kagurangnan kaiba an dolot na pagkakan na sinalakan nin lana. Kaipuhan gibohon nindo iyan huli ta mapahiling saindo an Kagurangnan ngunyan na aldaw.”

Lukas 2:24

Nagdolot man sinda nin atang sosog sa hinahagad kan Katogonan nin Kagurangnan: “mag-agom na salampati o duwang ogbon na agbaan.”