Genesis 15:5 - Marahay na Bareta Biblia

⁵ Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 15:5 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Genesis 16:10

Nagsabi pa an anghel, “Papadakulon ko nin marahay an saimong mga kapagarakian kaya mayo nin makakabilang sainda.

Genesis 17:2

Makikipagtipan ako saimo asin tatawan taka nin dakul na kapagarakian.”

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 28:14

An saimong mga kapagarakian magigin siring sa alpog nin daga. Papadakulaon ninda an saindang teritoryo sa gabos na direksyon; bebendisyonan ko an gabos na nasyon sa daga sa paagi mo asin sa saimong kapagarakian.

Genesis 32:13

Duman sa lugar na idto naagahan si Jacob. Dangan, sa mga hayop niya, nagpili siya nin panregalo sa tugang niyang si Esau: dos syentos na babaeng kanding saka beynteng lalaking kanding, dos syentos na babaeng karnero dangan beynteng lalaking karnero, treyntang mag-inang kamelyo, kwarentang babaeng baka asin sampolong lalaking baka, beynteng babaeng asno saka sampolong lalaking asno.

1 Mga Hade 3:8

Uya ako sa tahaw kan banwaan na pinili mo bilang sadiri, banwaan na dai mabilang sa kadakulaan.

1 Mga Cronica 27:23

Dai binilang ni David an mga tawong dai pa nakaabot sa beynte an edad, huli ta nanuga an Kagurangnan na an Israel gigibohon niyang siring kadakul kan mga bitoon sa langit.

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

An Libro ni Job 35:5

“Hilinga an kalangitan! Masdan mo an mga panganoron, na mas halangkaw ki sa saimo.

Salmo 147:4

Aram niya an bilang kan mga bitoon, lambang saro inaapod niya sa sadiring ngaran.

Exodo 32:13

Giromdoma si Abraham, si Isaac asin si Jacob, an saimong mga sorogoon na pinanugaan mo saka sinabihan na ‘Papadakulon ko an saimong kapagarakian siring sa mga bitoon sa langit; itatao ko sa saimong kapagarakian an dagang ini na ipinanuga ko, asin mapapasainda ini sagkod lamang.’”

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Jeremias 33:22

Papadakulon ko an mga kapagarakian ni David na sakong sorogoon saka an mga Levita arog sa dai mabilang na mga bitoon asin sa dai mabilang na baybay kan dagat.”

Roma 4:18

Nagtubod si Abraham saka naglaom, maski mayo nang paglaom, kaya siya nagin “ama nin dakul na nasyon.” Siring sa sinabi saiya, “An saimong kapagarakian magigin dakul arog kan mga bitoon.”

Deuteronomio 1:10

Ginibo nin Kagurangnan na saindong Dios na magdakul kamo siring sa mga bitoon sa langit.

Deuteronomio 10:22

Kan magduman sa Egipto an saindong mga ginikanan, setenta sana sinda; alagad ngunyan pinadakul kamo nin Kagurangnan na saindong Dios siring sa mga bitoon sa langit.

Hebreyo 11:12

Maski haros magagadan na sa kagurangan si Abraham, siya an ginikanan kan mga kapagarakian na arog kadakul kan mga bitoon sa kalangitan saka kan dai mabilang na baybay sa tampi kan dagat.

Josue 24:3

Dangan kinua ko si Abraham na saindong ginikanan, hale sa dagang idto sa ibong kan Eufrates, asin pinangenotan ko siya pasiring sa bilog na daga nin Canaan. Tinawan ko siya nin dakul na kapagarakian. Nagin aki niya si Isaac,